Sangli News | आटपाडी : दिघंची (ता. आटपाडी) येथे जुन्या वादाच्या रागातून एका तरुणाला मोटारीने धडक देऊन तसेच त्याच्यावर कोयत्याने वार करत खुनाचा प्रयत्न केल्याची धक्कादायक घटना घडली आहे. या प्रकरणी आटपाडी पोलिस ठाण्यात तिघांविरुद्ध खुनाचा प्रयत्न व हत्यार कायद्यान्वये गुन्हा दाखल करण्यात आला आहे.
याबाबत साहिल सलमान खान (वय 22, व्यवसाय – सेंट्रिंग काम, रा. यमाईनगर, दिघंची) यांनी पोलिसांत फिर्याद दिली आहे. पोलिसांकडून मिळालेल्या माहितीनुसार, रविवार दि. 14 डिसेंबर 2025 रोजी रात्री सुमारे 9 वाजण्याच्या सुमारास साहिल खान व त्याचा मित्र प्रवीण अंकुश मोरे हे मोटारसायकलवरून दिघंची एसटी स्टँड परिसरातून घरी जात होते.
दिघंची–झरे रस्त्यावरील एका कार्यालयाजवळ पोहोचताच आरोपी नईम अमिर तांबोळी, प्रथमेश अण्णा चव्हाण आणि प्रशांत मोरे (सर्व रा. दिघंची) यांनी संगनमत करून मोटारीतून येत त्यांच्या दुचाकीला जोराची धडक दिली. धडकेमुळे साहिल खान रस्त्यावर कोसळला.
यानंतर आरोपी मोटारीतून उतरून साहिल याच्या डोक्यावर आणि उजव्या हातावर कोयत्याने वार करत “तुला जिवंत ठेवणार नाही” अशी धमकी दिल्याचे फिर्यादीत नमूद करण्यात आले आहे. या हल्ल्यात साहिल खान गंभीर जखमी झाला असून त्याच्यावर सध्या उपचार सुरू आहेत.
घटनेची माहिती मिळताच आटपाडी पोलिसांनी घटनास्थळी धाव घेतली. आरोपींविरोधात भारतीय दंड संहिता कलमांनुसार खुनाचा प्रयत्न तसेच भारतीय हत्यार अधिनियमान्वये गुन्हा दाखल करण्यात आला असून पुढील तपास सुरू आहे.
हेही वाचा: लग्न लावतो म्हणून पाच लाखांचा गंडा; सुपारी फुटली, नवरी बेपत्ता
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
