जत : जत तालुक्यातील विजापूर–गुहागर राष्ट्रीय महामार्गावर मुचंडी गावाजवळ झालेल्या भीषण अपघातात वनविभागाचे हंगामी वॉचमन जागीच ठार झाले. ट्रक आणि मोटारसायकल यांच्यात झालेल्या समोरासमोरच्या धडकेत दिलीप मारुती जाधव (वय ३५, रा. तोळबोळवस्ती, मुचंडी, ता. जत) यांचा जागीच मृत्यू झाला.
मिळालेल्या प्राथमिक माहितीनुसार, दिलीप जाधव हे गेल्या सात ते आठ वर्षांपासून वनविभागात हंगामी वॉचमन म्हणून कार्यरत होते. मुचंडी गावालगत असलेल्या वनक्षेत्रात देखरेखीचे काम आटोपून ते सायंकाळी सुमारे चारच्या सुमारास मोटारसायकलवरून घरी परतत होते. त्याच वेळी जतहून विजापूरच्या दिशेने जाणाऱ्या भरधाव ट्रकने त्यांच्या मोटारसायकलला जोराची धडक दिली.
धडक इतकी भीषण होती की दिलीप जाधव यांचा जागीच मृत्यू झाला. अपघाताची माहिती मिळताच स्थानिक नागरिकांनी घटनास्थळी धाव घेतली. मात्र तोपर्यंत उशीर झाला होता. या घटनेनंतर परिसरात हळहळ व्यक्त करण्यात येत असून, मृत जाधव यांच्या कुटुंबावर शोककळा पसरली आहे.
जत पोलीस ठाण्यात या अपघाताची नोंद करण्यात आली असून पुढील तपास सुरू असल्याची माहिती पोलिसांकडून देण्यात आली आहे.
हेही वाचा: कवलापूर विमानतळाबाबत नागरिकांचे थेट प्रश्न; सरकार उत्तर देणार का?.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
