Sangli News | सांगली : महापालिका निवडणुकीच्या पार्श्वभूमीवर उमेदवारी अर्ज दाखल करण्यासाठी आवश्यक असलेल्या ना हरकत दाखल्यासाठी (NOC) इच्छुक उमेदवारांची महापालिकेत मोठी गर्दी पाहायला मिळत आहे. आतापर्यंत ५५० पेक्षा अधिक इच्छुकांनी NOC साठी अर्ज केल्याची माहिती समोर आली असून, या प्रक्रियेमुळे अवघ्या चार दिवसांत महापालिकेची सुमारे एक कोटी रुपयांची थकबाकी वसूल झाली आहे.
राज्य निवडणूक आयोगाच्या नियमांनुसार महापालिका निवडणूक लढविणारा उमेदवार तसेच त्याचा सूचक व अनुमोदक हे कोणत्याही प्रकारचे थकबाकीदार नसणे बंधनकारक आहे. घरपट्टी, पाणीपट्टी, मालमत्ता कर आणि इतर महापालिकेचे कर पूर्णपणे भरल्याशिवाय NOC दिली जात नाही. त्यामुळे अनेक इच्छुकांनी स्वतःचीच नव्हे, तर सूचक-अनुमोदकांचीही थकबाकी भरली आहे.
गेल्या चार दिवसांत घरपट्टी विभागाची जवळपास १ कोटी रुपयांची थकबाकी वसूल झाली असून, पाणीपट्टी विभागाचे ३ ते ४ लाख रुपये वसूल झाले आहेत. येत्या काही दिवसात ही वसूली आणखी वाढण्याची शक्यता प्रशासनाकडून व्यक्त करण्यात येत आहे.
महापालिका निवडणुकीसाठी उमेदवारी अर्ज भरण्याची प्रक्रिया २३ डिसेंबरपासून सुरू झाली असून, २७ डिसेंबर ही अंतिम मुदत आहे. या कालावधीत एकूण दोन कोटी रुपयांपर्यंत थकबाकी वसूल होण्याची शक्यता वर्तवली जात आहे.
हेही वाचा: प्राथमिक शिक्षकांना आठवड्यातून एक दिवस अंगणवाडीत शिकवावे लागणार; शिक्षण विभागाचा नवा आदेश.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
