Sangli Election | सांगली : महानगरपालिका निवडणुकीच्या पार्श्वभूमीवर सांगलीच्या राजकारणात मोठी हालचाल सुरू झाली असून, दोन माजी महापौरांसह सहा माजी नगरसेवकांनी उपमुख्यमंत्री अजित पवार यांच्या राष्ट्रवादी काँग्रेस गटात प्रवेश केल्याने शहरातील राजकीय समीकरणे बदलू लागली आहेत. काही काळ संघटनात्मकदृष्ट्या कमकुवत मानली जाणारी राष्ट्रवादी काँग्रेस (अजित पवार गट) या घडामोडीमुळे पुन्हा ताकद मिळवत असल्याचे चित्र आहे.
या पक्षप्रवेशानंतर आणखी काही प्रभावी नेते राष्ट्रवादीत येण्याच्या तयारीत असल्याची चर्चा राजकीय वर्तुळात सुरू आहे. त्यामुळे आगामी महापालिका निवडणूक घड्याळ चिन्हावर स्वतंत्रपणे लढवण्याची तयारी राष्ट्रवादीकडून सुरू असल्याचे संकेत मिळत आहेत.
दरम्यान, बदलते समीकरण लक्षात घेऊन भाजपनेही हालचाली वाढवल्या असून शिवसेना, रिपब्लिकन पार्टी, जनसुराज्य आणि रयत आघाडीसोबत संभाव्य युतीबाबत चर्चा सुरू केल्याचे बोलले जात आहे.
राज्य पातळीवर दोन्ही राष्ट्रवादी काँग्रेस गट एकत्र येऊ शकतील का, याची प्राथमिक चाचपणी करण्याची जबाबदारी खासदार सुप्रिया सुळे यांच्याकडे देण्यात आल्याची माहिती सूत्रांनी दिली आहे. सांगलीत महापालिकेच्या सर्व ७८ जागांवर लढण्याचा पर्याय खुला असल्याचे आमदार इद्रिस नायकवडी यांनी स्पष्ट केल्याने, पुढील काही दिवसांत राजकीय चित्र अधिक स्पष्ट होण्याची शक्यता व्यक्त केली जात आहे.
हेही वाचा: सांगली महापालिका निवडणुकीचा कार्यक्रम जाहीर; 23 ते 29 डिसेंबरदरम्यान नामनिर्देशन, 15 जानेवारीला मतदान.
- सांगली जिल्ह्यातील शेतकऱ्यांना रब्बी ज्वारीचे बियाणे १००% मोफत; १८ हजार मिनिकीटचे वाटप, महाडीबीटीवर अर्ज करण्याचे आवाहन
- Ladki Bahin Yojana: लाडक्या बहिणींची दिवाळी गोड होणार! शासनाकडून ३४४ कोटींचा विशेष निधी मंजूर; खात्यात कधी जमा होणार ₹१,५००?
- Gold Rate Today: धनत्रयोदशीपूर्वी सोन्या-चांदीच्या भावात नरमाई; खरेदीपूर्वी पाहा पीएनजीचे आजचे २२K आणि २४K चे ताजे दर (२८ ऑक्टोबर २०२६)
- Ladki Bahin Yojana: हप्ते बंद झालेल्या महिलांना ₹४०,००० मिळणार? इन्स्टाग्रामवरील ‘त्या’ व्हायरल दाव्याचे सत्य समोर; शासनाने जारी केला सतर्कतेचा इशारा
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
