Sangli Today | सांगली : स्थानिक स्वराज्य संस्थांच्या सार्वत्रिक निवडणुकांचे निकाल जाहीर झाल्यानंतर सांगली जिल्ह्यातील नगरपरिषद आणि नगरपंचायतींमधील राजकीय चित्र स्पष्ट झाले आहे. विविध पक्ष व आघाड्यांनी वेगवेगळ्या ठिकाणी सत्ता मिळवत आपापली ताकद सिद्ध केली असून, नवनिर्वाचित नगराध्यक्षांची यादी समोर आली आहे.
उरुण ईश्वरपूर नगरपरिषदेत राष्ट्रवादी काँग्रेस (शरद पवार गट) चे आनंदराव मलगुंडे नगराध्यक्ष झाले आहेत. पलूस नगरपरिषदेत काँग्रेसच्या संजिवनी पुदाले, तर जत नगरपरिषदेत भाजपचे रवींद्र आरळी विजयी झाले आहेत. विटा नगरपरिषदेत शिवसेनेच्या काजल मेत्रे यांना नगराध्यक्षपद मिळाले आहे.
आष्टा नगरपरिषदेत राष्ट्रवादी काँग्रेस (शरद पवार गट) चे विशाल शिंदे, तर तासगाव नगरपरिषदेत स्वाभिमानी विकास आघाडीच्या विजया पाटील नगराध्यक्ष झाल्या आहेत. शिराळा नगरपंचायतीत शिवसेनेचे पृथ्वीसिंग नाईक, तर आटपाडी नगरपंचायतीत भाजपचे उत्तमराव जाधव नगराध्यक्ष म्हणून निवडून आले आहेत.
या निकालांमुळे सांगली जिल्ह्यात काँग्रेस, भाजप, शिवसेना, राष्ट्रवादी तसेच स्थानिक आघाड्यांचे सामर्थ्य वेगवेगळ्या भागांत दिसून आले आहे. आगामी सांगली महापालिका निवडणुकीच्या पार्श्वभूमीवर हे निकाल राजकीयदृष्ट्या महत्त्वाचे मानले जात असून, जिल्ह्यातील राजकीय समीकरणांवर याचा परिणाम होण्याची शक्यता आहे.
हेही वाचा: महापालिकेसाठी भाजप नेत्या जयश्री पाटलांची तयारी पूर्ण; 25 जणांना उमेदवारीची मागणी.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
