Sangli Breaking News | सांगली : सांगली जिल्ह्यातील खानापूर तालुक्यातील भाळवणी येथे शोभेच्या दारू (फटाका) निर्मिती कारखान्यात झालेल्या भीषण स्फोटाने परिसरात एकच खळबळ उडाली आहे. स्फोट इतका तीव्र होता की भाळवणीसह आजूबाजूच्या तब्बल पाच किलोमीटर परिसरात हादरे बसले, तर अनेक घरांच्या आणि वाहनांच्या काचांना तडे गेले.
या स्फोटात आफताब मन्सूर मुल्ला आणि अमीन मुल्ला हे दोघे गंभीर जखमी झाले असून त्यांना तातडीने उपचारासाठी रुग्णालयात दाखल करण्यात आले आहे. स्फोटानंतर कारखान्यात मोठ्या प्रमाणात आग लागली असून, आगीने काही वेळातच भीषण रूप धारण केले.
घटनेची माहिती मिळताच अग्निशमन दलाची दोन वाहने तातडीने घटनास्थळी दाखल झाली असून आग आटोक्यात आणण्यासाठी शर्थीचे प्रयत्न सुरू आहेत. स्फोटाच्या आवाजामुळे आणि धक्क्यामुळे परिसरातील नागरिक भयभीत झाले असून अनेकांनी घराबाहेर धाव घेतली.
स्फोट नेमका कशामुळे झाला, कारखान्याकडे आवश्यक परवानगी होती का, तसेच सुरक्षिततेच्या नियमांचे पालन करण्यात आले होते का, याबाबत तपास सुरू करण्यात आला आहे. या घटनेमुळे संपूर्ण सांगली जिल्ह्यात खळबळ उडाली असून प्रशासनाकडून अधिकृत माहितीची प्रतीक्षा आहे.
हेही वाचा: जयंत पाटील, विश्वजीत कदम आणि विशाल पाटील एकत्र; मनपा निवडणुकीआधी राजकीय हालचालींना वेग.
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
- सांगलीत डॉ. बाबासाहेबांचे जगातील सर्वात मोठे, पहिले रियलॅस्टिक मल्टी-कलर स्ट्रिंग आर्ट
- जतजवळ ट्रेलरची दुचाकीला धडक; 25 वर्षीय तरुणाचा मृत्यू
- सांगलीतील 152 ग्रामपंचायतींची प्रभाग रचना बदलणार? 13 एप्रिलपर्यंत हरकती नोंदवता येणार
- जत : उमदीजवळ भीषण अपघात; ट्रकच्या धडकेत कार चालकाचा मृत्यू, सहा जखमी
- सांगलीची रोजगार योजनेत मोठी झेप; 1375 जणांना व्यवसायासाठी कर्ज मंजुरी
