सांगली : आगामी महानगरपालिका निवडणुकांच्या पार्श्वभूमीवर मतदार यादी कार्यक्रमात बदल करण्यात आला आहे. राज्य निवडणूक आयोगाच्या आदेशानुसार, प्रभागनिहाय तसेच मतदान केंद्रनिहाय मतदार याद्या आता 3 जानेवारी 2026 पर्यंत टप्प्याटप्प्याने प्रसिद्ध केल्या जाणार आहेत.
यापूर्वी ही प्रक्रिया 27 डिसेंबर 2025 पर्यंत पूर्ण करण्याचे नियोजन होते. मात्र, मतदार यादी अधिक अचूक आणि त्रुटीविरहित ठेवण्यासाठी आयोगाकडून मुदतवाढ देण्यात आली आहे.
प्रशासनाकडून मिळालेल्या माहितीनुसार, दुबार मतदार तपासणी पूर्ण करून संबंधित कंट्रोल चार्ट वेळेत अपलोड करण्यात आले आहेत. सुधारित वेळापत्रकानुसार तातडीने कार्यवाही करण्याचे निर्देश महानगरपालिका आयुक्त तथा निवडणूक अधिकारी सत्यम गांधी यांनी दिले असल्याची माहिती प्रशासनाने दिली आहे.
दरम्यान, मतदार यादी प्रसिद्ध झाल्यानंतर नागरिकांनी आपले नाव, मतदान केंद्र आणि इतर तपशील तपासावेत, तसेच त्रुटी आढळल्यास वेळेत हरकती नोंदवाव्यात, असे आवाहन प्रशासनाकडून करण्यात आले आहे.
हेही वाचा: सांगली महापालिका निवडणूक : महायुतीत संभ्रम; शिंदे गट स्वबळाच्या तयारीत.
- बैलगाडी शर्यतीला गेलेल्या युवकाची मोटारसायकल चोरी; रेठरेधरण येथील घटना
- दिघंची बसस्थानकाजवळील दुकान फोडले; 1.21 लाखांचा ऐवज लंपास
- सांगली महानगरपालिका भरतीच्या नावाने फसवणूक? सोशल मीडियावरील जाहिराती खोट्या
- होळीच्या रात्री पुणे–बेंगलोर महामार्गावर हिट अँड रन; पेठनाक्याजवळ 55 वर्षीय वेटरचा मृत्यू
- इस्राईल-इराण तणाव; दुबईला गेलेल्या कुपवाडमधील 30–35 पर्यटकांशी संपर्क, सुरक्षिततेबाबत प्रशासनाच्या हालचाली सुरू
- सांगली मनपाच्या पहिल्या महासभेत मोठा निर्णय; 30 कोटींच्या नाट्यगृहाला मंजुरी, स्थायी समिती गठीत
