सांगली : नववर्षाच्या सुरुवातीपासून सांगली जिल्ह्यातील रेशनकार्डधारकांसाठी धान्य वाटप पद्धतीत पुन्हा एकदा बदल होणार आहे. राष्ट्रीय अन्न सुरक्षा अधिनियम २०१३ अंतर्गत अंत्योदय व प्राधान्य कुटुंब योजनांमधील पूर्वीचे धान्यप्रमाण जानेवारी २०२६ पासून पुन्हा लागू करण्यात येणार आहे, अशी माहिती अन्न व नागरी पुरवठा विभागाच्या सूत्रांकडून देण्यात आली आहे.
नोव्हेंबर व डिसेंबर २०२५ या दोन महिन्यांमध्ये सांगली जिल्ह्यातील शिधापत्रिकाधारकांना गहूसोबत ज्वारीचेही वितरण करण्यात आले होते. मात्र, हा बदल तात्पुरता असून जानेवारी महिन्यापासून ज्वारीचे वाटप थांबवून पूर्वीप्रमाणे गहू व तांदूळच दिले जाणार आहेत.
अंत्योदय योजनेंतर्गत काय बदल?
अंत्योदय अन्न योजनेतील लाभार्थ्यांना मागील दोन महिन्यांत प्रत्येकी पाच किलो गहू, पाच किलो ज्वारी आणि २५ किलो तांदूळ देण्यात आला होता. मात्र, जानेवारी २०२६ पासून या योजनेत एकूण ३५ किलो धान्य देण्यात येणार असून त्यामध्ये
२१ किलो गहू आणि १४ किलो तांदूळ याचा समावेश असणार आहे.
प्राधान्य कुटुंब योजनेसाठी नवीन प्रमाण
प्राधान्य कुटुंब योजनेतील लाभार्थ्यांना नोव्हेंबर–डिसेंबरमध्ये गहूसोबत ज्वारी देण्यात आली होती. जानेवारीपासून मात्र या योजनेत दरमहा ३ किलो गहू आणि २ किलो तांदूळ दिला जाणार आहे. यामध्ये ज्वारीचा समावेश असणार नाही.
सांगली जिल्ह्यातील लाभार्थ्यांसाठी महत्त्वाची सूचना
सांगली जिल्ह्यातील सर्व रेशनकार्डधारकांनी जानेवारी महिन्याचे धान्य घेताना आपल्या जवळच्या स्वस्त धान्य दुकानात जाऊन नवीन धान्यप्रमाणाची माहिती घ्यावी. वितरण प्रक्रियेत कोणताही बदल अथवा अडचण असल्यास तालुका पुरवठा कार्यालयाशी संपर्क साधण्याचे आवाहन करण्यात आले आहे.
अन्नधान्य वितरणातील हा बदल शासनाच्या अधिसूचनेनुसार लागू करण्यात येत असून, पुढील निर्णय येईपर्यंत हेच धान्यप्रमाण लागू राहणार असल्याचे अधिकृत माहितीत नमूद करण्यात आले आहे.
हेही वाचा: पेठ येथील सेप्टिक टँक दुर्घटनेतील पाच जखमींची प्रकृती स्थिर; तिघांवर अंत्यसंस्कार.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
