सांगली : सांगली–मिरज–कुपवाड महानगरपालिकेच्या सार्वत्रिक निवडणुकीच्या पार्श्वभूमीवर मतदारांसाठी राज्य निवडणूक आयोगाने विकसित केलेले ‘मताधिकार’ हे मोबाईल ॲप उपयुक्त आहे. या ॲपच्या माध्यमातून मतदार यादीतील नाव, मतदान केंद्राचे ठिकाण तसेच संबंधित प्रभागातील उमेदवारांविषयी माहिती मिळू शकते.
राज्य निवडणूक आयोगाच्या माहितीनुसार, महानगरपालिका निवडणुकांसाठी मतदारांना आवश्यक असलेली प्राथमिक माहिती सहज उपलब्ध करून देण्यासाठी हे ॲप विकसित करण्यात आले आहे. सांगली–मिरज–कुपवाड महानगरपालिका निवडणूक प्रक्रियेत सहभागी होणाऱ्या मतदारांसाठीही या ॲपचा उपयोग होऊ शकतो.
‘मताधिकार’ ॲप कसे वापरावे?
मताधिकार ॲपद्वारे मतदारांना आपले नाव शोधण्यासाठी दोन पर्याय उपलब्ध आहेत. मतदार आपले संपूर्ण नाव किंवा मतदार ओळखपत्राचा (EPIC) क्रमांक टाकून मतदार यादीतील नोंद तपासू शकतात. त्यानंतर जिल्हा आणि संबंधित महानगरपालिकेची निवड केल्यानंतर मतदाराचे नाव, मतदान केंद्राची माहिती आणि प्रभागातील उमेदवारांची माहिती स्क्रीनवर दिसते.
याच माहितीकरिता राज्य निवडणूक आयोगाचे अधिकृत संकेतस्थळ mahasecvoterlist.in हे देखील उपलब्ध असून, त्यावरूनही मतदार यादीतील नाव तपासता येते.
मतदार जागृतीसाठी उपक्रम
निवडणूक प्रक्रियेत मतदारांचा सहभाग वाढावा, मतदान केंद्र शोधताना होणारा गोंधळ टळावा आणि मतदारांना अधिक पारदर्शक माहिती मिळावी, या उद्देशाने प्रशासनाकडून ‘मताधिकार’ ॲपचा वापर करण्याचे आवाहन करण्यात येत आहे.
हेही वाचा: बिबट्याच्या हल्ल्यात दुचाकीवरील महिला जखमी, परिसरात भीतीचे वातावरण.
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
