सांगली : महाराष्ट्र राज्य माध्यमिक व उच्च माध्यमिक शिक्षण मंडळाकडून घेण्यात येणाऱ्या बारावीच्या परीक्षेसाठी विद्यार्थ्यांची तयारी अंतिम टप्प्यात आली असून, बारावीचे हॉल तिकीट मंगळवार (ता. १२) पासून उपलब्ध होणार आहे. कोल्हापूर विभागाअंतर्गत सांगली जिल्ह्यासह सर्व परीक्षा केंद्रांवर यंदा गैरप्रकार रोखण्यासाठी विशेष खबरदारी घेतली जात आहे.
बारावीची लेखी परीक्षा १० फेब्रुवारी ते १८ मार्च या कालावधीत होणार आहे. परीक्षेच्या पार्श्वभूमीवर राज्य मंडळाने प्रत्येक परीक्षा केंद्रातील प्रत्येक वर्गखोलीत CCTV कॅमेरे बसवण्याचे निर्देश दिले आहेत. कोल्हापूर विभागात एकूण ५३९ परीक्षा केंद्रे असून, त्यापैकी अनेक केंद्रांवर CCTV बसवण्याची प्रक्रिया पूर्ण झाली आहे.
मंडळाच्या माहितीनुसार, ज्या परीक्षा केंद्रांवर अद्याप CCTV कॅमेरे बसवण्यात आलेले नाहीत, त्या संस्थांना पुढील काही दिवसांत ही प्रक्रिया पूर्ण करण्याचे निर्देश देण्यात आले आहेत. विशेषतः संवेदनशील व उपद्रवी परीक्षा केंद्रांवर अतिरिक्त लक्ष ठेवण्यात येणार असून, काही केंद्रांवरील CCTV चित्रण थेट प्रशासनाकडे उपलब्ध करून दिले जाणार आहे.
परीक्षा प्रक्रियेवर नियंत्रण ठेवण्यासाठी राज्य मंडळ व विभागीय मंडळ स्तरावर नियंत्रण कक्ष स्थापन करण्यात येणार आहेत. यामधून परीक्षेदरम्यान होणाऱ्या हालचालींवर नजर ठेवली जाणार असून, कोणताही गैरप्रकार आढळल्यास तातडीने कारवाई केली जाणार असल्याचेही स्पष्ट करण्यात आले आहे.
दरम्यान, सांगली जिल्ह्यातील विद्यार्थी व पालकांनी हॉल तिकीट वेळेत डाऊनलोड करून त्यावरील माहिती काळजीपूर्वक तपासावी, तसेच परीक्षा केंद्र, वेळापत्रक व नियमांचे पालन करावे, असे आवाहन शिक्षण विभागाकडून करण्यात आले आहे.
हेही वाचा: बंडखोरीचा फटका; भाजपकडून माजी नगरसेवकांसह ९ जणांचे सहा वर्षांसाठी निलंबन.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
