सांगली : सांगली–मिरज–कुपवाड शहर महानगरपालिका हद्दीत १३ ते १६ जानेवारीदरम्यान ‘ड्राय डे’ लागू करण्यात आला असला, तरी शहरालगतच्या काही भागांत दारू विक्री सुरू असल्याचे दिसून येत आहे.
सांगली शहरापासून अवघ्या दहा मिनिटांच्या अंतरावर असलेला माधवनगर रोड परिसर महानगरपालिका हद्दीत येत नसल्याने, त्या भागातील हॉटेल्स, बार आणि दारूची दुकाने सुरू आहेत. त्यामुळे शहरातील अनेक नागरिक ड्राय डेच्या कालावधीत त्या भागात जाऊन मद्यपान करत असल्याचे तसेच दारूची खरेदी करत असल्याचे प्रत्यक्षात दिसून येत आहे.
विशेषतः संध्याकाळच्या वेळेत माधवनगर रोड परिसरातील दारू दुकाने आणि बार परिसरात मोठी गर्दी होत असल्याचेही आढळून येत आहे. सांगली शहरात मद्यविक्रीवर पूर्ण बंदी असताना, शहरालगतच्या हद्दीबाहेरील भागात विक्री सुरू असल्याने ड्राय डेचा प्रत्यक्ष परिणाम मर्यादित राहतोय, अशी प्रतिक्रिया काही नागरिकांकडून व्यक्त केली जात आहे.
दरम्यान, ड्राय डे आदेश महानगरपालिका हद्दीपुरताच लागू असल्याने, प्रशासनाकडून नियमांचे उल्लंघन होत नसल्याचे स्पष्ट आहे. मात्र, निवडणूक काळात शांतता व सुव्यवस्था राखण्याच्या उद्देशाने लागू केलेल्या ड्राय डेचा अपेक्षित परिणाम कितपत साध्य होतोय, याबाबत प्रश्न उपस्थित होत आहे.
हेही वाचा वाजेगाव घरफोडी प्रकरणी सराईत आरोपी अटकेत; २.७१ लाखांचा मुद्देमाल जप्त.
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
- सांगलीत डॉ. बाबासाहेबांचे जगातील सर्वात मोठे, पहिले रियलॅस्टिक मल्टी-कलर स्ट्रिंग आर्ट
- जतजवळ ट्रेलरची दुचाकीला धडक; 25 वर्षीय तरुणाचा मृत्यू
- सांगलीची रोजगार योजनेत मोठी झेप; 1375 जणांना व्यवसायासाठी कर्ज मंजुरी
- सांगलीत मोठा निर्णय; सुट्टीच्या दिवशीही सुरू राहणार निबंधक कार्यालये
- सांगलीत मुलींचा जन्मदर घटतोय? जिल्हाधिकाऱ्यांचा इशारा; जनजागृती मोहिमेचे आदेश
