सांगली : द्राक्ष व बेदाणा उत्पादक शेतकऱ्यांच्या विविध मागण्यांसाठी मंगळवारी सांगली जिल्हाधिकारी कार्यालयावर भव्य मोर्चा काढण्यात आला. चीन व अफगाणिस्तानमधून होणाऱ्या बेदाणा तस्करीविरोधात कारवाई, आयात धोरणात बदल, कर्जमाफी आणि शेतमालाला रास्त दर मिळावा, या प्रमुख मागण्यांसाठी शेतकरी मोठ्या संख्येने या मोर्चात सहभागी झाले होते.
या मोर्चात सांगलीचे खासदार विशाल पाटील यांनी प्रत्यक्ष उपस्थित राहून शेतकरी बांधवांशी संवाद साधला. शेतकऱ्यांच्या मागण्या योग्य असून त्याकडे शासनाने गांभीर्याने लक्ष देणे आवश्यक असल्याचे त्यांनी स्पष्ट केले.
खा. विशाल पाटील म्हणाले की, उत्पादन खर्चात झालेली प्रचंड वाढ, बाजारपेठेतील अस्थिरता, दलालांमुळे होणारी शेतमालाची लूट, निर्यातीतील अडचणी आणि आयात धोरणांमुळे द्राक्ष व बेदाणा उत्पादक शेतकरी मोठ्या अडचणीत सापडले आहेत. “शेतकऱ्यांच्या घामाच्या प्रत्येक थेंबाला योग्य किंमत मिळाली पाहिजे,” अशी भूमिका त्यांनी मांडली.
| फोटो : संकलन – Sangli Today
मोर्चादरम्यान शेतकऱ्यांनी चीनचा बेदाणा अफगाणिस्तानमार्गे बेकायदेशीररीत्या आयात करणाऱ्या व्यापाऱ्यांवर कठोर कारवाई करावी, अफगाणिस्तानातून येणाऱ्या बेदाण्यावर आयात कर लावावा, द्राक्ष उत्पादकांना सरसकट कर्जमाफी द्यावी, चीनी द्राक्षांवर अँटी-डम्पिंग ड्युटी वाढवावी, तसेच शेतकऱ्यांचे पैसे बुडवणाऱ्या व्यापाऱ्यांवर मोकासारखा कठोर कायदा लागू करावा, अशा मागण्या केल्या.
क्रांतिसिंह नाना पाटील पुतळा परिसरातून निघालेला हा मोर्चा जिल्हाधिकारी कार्यालयावर पोहोचला, जिथे शेतकऱ्यांच्या मागण्यांचे निवेदन प्रशासनाला देण्यात आले. द्राक्ष व बेदाणा उत्पादकांच्या प्रश्नांवर लवकरात लवकर निर्णय घ्यावा, अन्यथा आंदोलन तीव्र करण्याचा इशाराही यावेळी देण्यात आला.
हेही वाचा: मालगाव येथे लाईट कनेक्शनवरून भावकीत वाद; आठ जणांवर गुन्हा दाखल.
- सांगली जिल्ह्यातील शेतकऱ्यांना रब्बी ज्वारीचे बियाणे १००% मोफत; १८ हजार मिनिकीटचे वाटप, महाडीबीटीवर अर्ज करण्याचे आवाहन
- Ladki Bahin Yojana: लाडक्या बहिणींची दिवाळी गोड होणार! शासनाकडून ३४४ कोटींचा विशेष निधी मंजूर; खात्यात कधी जमा होणार ₹१,५००?
- Gold Rate Today: धनत्रयोदशीपूर्वी सोन्या-चांदीच्या भावात नरमाई; खरेदीपूर्वी पाहा पीएनजीचे आजचे २२K आणि २४K चे ताजे दर (२८ ऑक्टोबर २०२६)
- Ladki Bahin Yojana: हप्ते बंद झालेल्या महिलांना ₹४०,००० मिळणार? इन्स्टाग्रामवरील ‘त्या’ व्हायरल दाव्याचे सत्य समोर; शासनाने जारी केला सतर्कतेचा इशारा
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
