मिरज : मिरज तालुक्यातील मालगाव येथे भाड्याच्या खोलीला दिलेल्या लाईट कनेक्शनच्या कारणावरून भावकीतील दोन गटांमध्ये वाद होऊन हाणामारी झाल्याची घटना घडली आहे. या घटनेत दोन्ही गटांतील एकूण सात जण जखमी झाले असून, मिरज ग्रामीण पोलिस ठाण्यात परस्पर विरोधी तक्रारी दाखल करण्यात आल्या आहेत. त्यानुसार दोन्ही गटांतील आठ जणांविरुद्ध गुन्हा नोंदवण्यात आला आहे.
लक्ष्मी महेश आवटी (वय ३०) यांनी दिलेल्या फिर्यादीत म्हटले आहे की, सुरेश आण्णाप्पा आवटी यांनी घराजवळील भाड्याच्या खोलीत लाईट कनेक्शन दिले होते. याबाबत जाब विचारण्यासाठी त्यांचे दिर उमेश आवटी गेले असता, सुरेश आवटी, विनोद आवटी, रेखा आवटी आणि प्रदीप मल्लाप्पा आवटी यांनी शिवीगाळ करत जीवे मारण्याची धमकी दिली. तसेच दिलीप आवटी यांनी घराच्या दरवाजावर लाथा मारून नुकसान केल्याचा आरोपही फिर्यादीत करण्यात आला आहे.
याच घटनेप्रकरणी दुसऱ्या गटाकडूनही मिरज ग्रामीण पोलिस ठाण्यात परस्पर विरोधी तक्रार दाखल करण्यात आली आहे. या तक्रारीनुसार, दोन्ही गटांमध्ये झालेल्या वादाचे रूपांतर हाणामारीत झाले असून, काही जणांना मारहाणीत दुखापत झाली आहे.
घटनेची दखल घेत मिरज ग्रामीण पोलिसांनी दोन्ही बाजूंच्या तक्रारीनुसार गुन्हे दाखल केले असून, पुढील तपास सुरू आहे.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
