सांगली : राज्यातील गुणवत्ताधारक खेळाडूंना शासकीय व निमशासकीय सेवांमधील ५ टक्के क्रीडा आरक्षणाचा लाभ अधिक पारदर्शक, जलद आणि त्रुटीमुक्त पद्धतीने मिळावा, यासाठी शासनाने ब्लॉकचेन तंत्रज्ञानावर आधारित ‘क्रीडा ई-प्रमाण’ प्रणाली कार्यान्वित केली आहे. या प्रणालीअंतर्गत खेळाडू आणि क्रीडा संघटनांची नोंदणी अनिवार्य करण्यात आल्याची माहिती जिल्हा क्रीडा अधिकारी किरण बोरवडेकर यांनी दिली आहे.
राज्य शासनाच्या क्रीडा धोरणानुसार, यापुढे जुनी कागदपत्रांवर आधारित पडताळणी प्रक्रिया बंद करण्यात येऊन पूर्णतः डिजिटल प्रणाली राबवली जाणार आहे. या नव्या व्यवस्थेमुळे कृत्रिम बुद्धिमत्ता (Artificial Intelligence) आणि ब्लॉकचेन (Blockchain) तंत्रज्ञानाच्या सहाय्याने माहितीची स्वयंचलित पडताळणी होणार आहे.
या निर्णयानुसार, क्रीडा संघटनांनी स्पर्धा पूर्ण झाल्यानंतर सात दिवसांच्या आत अंतिम निकाल, सहभागी खेळाडूंची यादी व गुणपत्रिका https://sports.maharashtra.gov.in/ या क्रीडा ई-प्रमाण पोर्टलवर अपलोड करणे बंधनकारक राहील. ही माहिती संबंधित संघटनेच्या अधिकृत पदाधिकाऱ्याने डिजिटल स्वाक्षरीने प्रमाणित करणे आवश्यक आहे. ठराविक कालावधीत माहिती अपलोड न केल्यास, त्यामुळे खेळाडूंचे नुकसान झाल्यास त्याची जबाबदारी संबंधित संघटनेची राहणार आहे.
खेळाडूंनी देखील क्रीडा ई-प्रमाण पोर्टलवर आधार संलग्न आयडीद्वारे लॉग-इन करून नोंदणी करणे अनिवार्य आहे. खेळाडूंच्या नोंदी आणि संघटनांकडून अपलोड केलेल्या अभिलेखांची प्रणालीद्वारे स्वयंचलित पडताळणी होणार असल्याने, यापुढे प्रत्यक्ष कार्यालयात जाऊन कागदपत्रे सादर करण्याची आवश्यकता राहणार नाही.
तांत्रिक कारणांमुळे एखाद्या खेळाडूचे प्रमाणपत्र नामंजूर झाल्यास, ऑनलाईन तक्रार व अपील करण्याची सुविधा उपलब्ध असून, ३० दिवसांच्या आत अपील करता येणार असून, अधिक माहितीसाठी जिल्हा क्रीडा कार्यालयाशी संपर्क साधण्याचे आवाहन करण्यात आले आहे.
हेही वाचा: द्राक्ष व बेदाणा उत्पादक शेतकऱ्यांचा जिल्हाधिकारी कार्यालयावर मोर्चा; खासदार विशाल पाटील सहभागी.
- सांगली जिल्ह्यातील शेतकऱ्यांना रब्बी ज्वारीचे बियाणे १००% मोफत; १८ हजार मिनिकीटचे वाटप, महाडीबीटीवर अर्ज करण्याचे आवाहन
- Ladki Bahin Yojana: लाडक्या बहिणींची दिवाळी गोड होणार! शासनाकडून ३४४ कोटींचा विशेष निधी मंजूर; खात्यात कधी जमा होणार ₹१,५००?
- Gold Rate Today: धनत्रयोदशीपूर्वी सोन्या-चांदीच्या भावात नरमाई; खरेदीपूर्वी पाहा पीएनजीचे आजचे २२K आणि २४K चे ताजे दर (२८ ऑक्टोबर २०२६)
- Ladki Bahin Yojana: हप्ते बंद झालेल्या महिलांना ₹४०,००० मिळणार? इन्स्टाग्रामवरील ‘त्या’ व्हायरल दाव्याचे सत्य समोर; शासनाने जारी केला सतर्कतेचा इशारा
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
