Majhi Ladki Bahin Yojana Ekyc Verification Latest Update | सांगली : महाराष्ट्रातील महिलांच्या आर्थिक सक्षमीकरणासाठी राबवण्यात येत असलेल्या ‘मुख्यमंत्री माझी लाडकी बहीण योजने’ (Mukhyamantri Majhi Ladki Bahin Yojana) संदर्भात महत्त्वाची माहिती समोर आली आहे. महिला व बालविकास मंत्री आदिती तटकरे यांनी या योजनेच्या e-KYC (Ladki Bahin Yojana Ekyc) प्रक्रियेबाबत स्पष्टीकरण देत, काही लाभार्थी महिलांचे प्रत्यक्ष (Physical Verification) करण्यात येणार असल्याचे स्पष्ट केले आहे.
मंत्री आदिती तटकरे यांनी दिलेल्या माहितीनुसार, लाडकी बहीण योजनेच्या प्रभावी अंमलबजावणीसाठी सर्व लाभार्थी महिलांना ३१ डिसेंबर २०२५ पर्यंत e-KYC पूर्ण करण्याची मुदत देण्यात आली होती. मात्र, e-KYC प्रक्रियेदरम्यान काही लाभार्थ्यांकडून चुकीचा पर्याय निवडला गेल्याची बाब निदर्शनास आली आहे.
त्यामुळे, योजनेच्या निकषांनुसार पात्रता तपासण्यासाठी राज्यातील सर्व जिल्हाधिकाऱ्यांना क्षेत्रीय स्तरावर प्रत्यक्ष पडताळणी करण्याच्या सूचना देण्यात आल्या असून, ही पडताळणी अंगणवाडी सेविकांमार्फत केली जाणार आहे.
या प्रक्रियेमुळे पात्र महिलांना योजनेचा लाभ योग्यरित्या मिळावा, तसेच कोणत्याही चुकीच्या नोंदीमुळे लाभ अडू नये, हा यामागचा उद्देश असल्याचे मंत्री तटकरे यांनी स्पष्ट केले आहे. प्रत्यक्ष पडताळणीदरम्यान लाभार्थी महिलांनी आवश्यक माहिती व कागदपत्रे उपलब्ध करून देण्याचे आवाहन करण्यात आले आहे.
हेही वाचा: ‘क्रीडा ई-प्रमाण’ प्रणाली लागू; ब्लॉकचेन तंत्रज्ञानावर नोंदणी अनिवार्य.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
