सांगली : माधवनगर कर्नाळ रोडवर असणाऱ्या हुपरी गार्डन येथे झालेल्या लग्नसमारंभातुन ४ लाख ५ हजार रुपयांचे सोन्याचे गंठण चोरी करणाऱ्या तरुणाला स्थानिक गुन्हे अन्वेषण शाखेच्या पथकाने अटक केली आहे. फिरासत फक्रुद्दीन शेख (वय २२, रा. मकान गल्ली, खणभाग, सांगली) असे अटक करण्यात आलेल्या संशयिताचे नाव आहे.
दि. ३ फेब्रुवारी रोजी हुपरी गार्डन येथे लग्नसोहळा सुरू असताना संशयिताने समारंभात प्रवेश केला. या वेळी शुभम अनिल देसाई (रा. गव्हर्नमेंट कॉलनी, विश्रामबाग) यांच्या पत्नीच्या बॅगेत ठेवलेले तीन तोळ्यांचे सोन्याचे गंठण संशयिताने लंपास केले. दुपारी सुमारे पावणेबारा ते साडेचार वाजण्याच्या दरम्यान हा प्रकार घडला.
दुपारी साडेचारच्या सुमारास बॅगेत गंठण आढळून न आल्याने कार्यालयात शोधाशोध करण्यात आली. त्यानंतर, गंठण चोरीस गेल्याचे स्पष्ट झाल्यानंतर देसाई यांनी सांगली ग्रामीण पोलिस ठाण्यात तक्रार दाखल केली.
तक्रारीनंतर स्थानिक गुन्हे अन्वेषण शाखेचे निरीक्षक संजीव झाडे यांच्या मार्गदर्शनाखाली उपनिरीक्षक कुमार पाटील यांच्या पथकाने तपास सुरू केला. हुपरी गार्डनमधील सीसीटीव्ही फुटेज तपासताना पथकाला फुटेजमध्ये रेकॉर्डवरील संशयित आढळून आला.
दरम्यान, आरोपी चिन्मय पार्क परिसरात चोरीचे सोने विक्रीसाठी येणार असल्याची माहिती मिळाल्यानंतर पोलिसांनी सापळा रचून त्याला ताब्यात घेतले व त्याच्याकडून चोरीचे सोन्याचे गंठण जप्त करण्यात आले. चौकशीत आरोपीने लग्नसमारंभात चोरी केल्याची कबुली दिली.
हेही वाचा: कुपवाड रोडवरील हडको कॉलनीतील घराला भीषण आग; अग्निशमन दलाच्या तत्परतेमुळे जीवितहानी टळली.
- Ladki Bahin Yojana: लाडक्या बहिणींची दिवाळी गोड होणार! शासनाकडून ३४४ कोटींचा विशेष निधी मंजूर; खात्यात कधी जमा होणार ₹१,५००?
- Gold Rate Today: धनत्रयोदशीपूर्वी सोन्या-चांदीच्या भावात नरमाई; खरेदीपूर्वी पाहा पीएनजीचे आजचे २२K आणि २४K चे ताजे दर (२८ ऑक्टोबर २०२६)
- Ladki Bahin Yojana: हप्ते बंद झालेल्या महिलांना ₹४०,००० मिळणार? इन्स्टाग्रामवरील ‘त्या’ व्हायरल दाव्याचे सत्य समोर; शासनाने जारी केला सतर्कतेचा इशारा
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
