सांगली : जिल्हा वार्षिक योजना 2026-27 अंतर्गत सांगली जिल्ह्यासाठी प्रस्तावित 751 कोटी 8 लाख रुपयांच्या प्रारूप आराखड्यावर मुंबईत राज्यस्तरीय बैठक पार पडली. राज्याच्या नियोजन विभागाने सुरुवातीला 545 कोटी 8 लाख रुपयांचा कमाल नियतव्यय कळवला होता; मात्र जिल्ह्याच्या स्थानिक गरजांचा विचार करून 206 कोटी रुपयांची अतिरिक्त मागणी करण्यात आली आहे.
मुख्यमंत्री देवेंद्र फडणवीस यांनी या वाढीव मागणीच्या पार्श्वभूमीवर सांगली जिल्ह्याच्या विकासासाठी शक्य तितका अतिरिक्त निधी देण्याचा प्रयत्न करू, अशी ग्वाही बैठकीत दिली.
बैठकीत जिल्ह्याच्या पायाभूत सुविधा, सिंचन, पर्यटन, औद्योगिक विकास आणि उत्पन्नवाढीशी संबंधित प्रकल्पांवर चर्चा झाली. कवलापूर विमानतळ, मल्टीलॉजिस्टिक्स पार्क, तसेच पर्यटनवाढीच्या संधींबाबत मुद्दे मांडण्यात आले.
टेंभू, ताकारी आणि म्हैसाळ उपसा सिंचन योजनांचा सकारात्मक परिणाम झाल्याने पुढील टप्प्यात सौरऊर्जेचा वापर वाढवण्याचा मुद्दाही उपस्थित करण्यात आला. चांदोली अभयारण्य व कृषी पर्यटनाला चालना देण्याबाबतही संकल्प मांडण्यात आल्या.
जिल्हाधिकारी अशोक काकडे यांनी मागील पाच वर्षांतील पूर्ण झालेल्या कामांचे सादरीकरण करत नवीन आराखड्यातील प्रस्तावांची माहिती दिली. वाढीव निधीबाबतचा अंतिम निर्णय राज्यस्तरावर घेतला जाणार आहे.
हेही वाचा: महिलांना थेट प्रशासनासमोर तक्रारी मांडण्याची संधी; 16 फेब्रुवारीला सांगलीत महिला लोकशाही दिन.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
