सांगली : अनेक वर्षांपासून सांगली-मिरज मुख्य रस्त्यावर वाहतूक कोंडीचे कारण ठरत असलेल्या 67 अनधिकृत खोक्यांवर अखेर महापालिकेने बुलडोझर चालवला. विश्रामबाग चौक (जुना जकात नाका) आणि दांडेकर बाजार परिसरातील अतिक्रमणे हटवून महापालिकेकडून रस्ता मोकळा करण्यात आला.
महापालिका आयुक्त सत्यम गांधी यांच्या निर्देशानुसार ही कारवाई करण्यात आली. अतिरिक्त आयुक्त राहुल रोकडे यांनी घटनास्थळी उपस्थित राहून मोहिमेचे नेतृत्व केले.
नगररचना विभागाकडून संबंधित खोकीधारकांना पूर्वसूचना देण्यात आली होती. दिलेल्या मुदतीत अतिक्रमण न हटवल्याने प्रशासकीय कारवाई करत सर्व 67 खोकी जमीनदोस्त करण्यात आली. कारवाईदरम्यान अतिक्रमण निर्मूलन विभाग, स्वच्छता विभाग तसेच पोलिसांचा मोठा बंदोबस्त तैनात होता.
या अतिक्रमणांमुळे सांगली-मिरज मुख्य रस्त्यावर वाहतुकीची सतत कोंडी होत होती. कारवाईनंतर रस्ता रुंद झाल्याने वाहनचालकांना दिलासा मिळाला आहे. मात्र, या ठिकाणी पुन्हा अतिक्रमण होणार नाही ना, असा प्रश्न नागरिकांकडून विचारला जात आहे.
महापालिका प्रशासनाने शहरातील प्रमुख रस्त्यांवरील अतिक्रमणांविरुद्ध पुढेही अशी कारवाई सुरूच राहील, असा इशारा दिला आहे.
हेही वाचा: दोन दशकांनंतर सांगलीत राज्य कला प्रदर्शन; 1,275 उत्कृष्ट कलाकृती, 22 फेब्रुवारीपर्यंत मोफत प्रवेश.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
