मिरज : द्राक्ष विक्रीनंतर तब्बल ११ लाख २८ हजार ७५२ रुपये थकवल्याप्रकरणी सोलापूर जिल्ह्यातील व्यापाऱ्याविरुद्ध मिरज ग्रामीण पोलिस ठाण्यात गुन्हा दाखल करण्यात आला आहे. ही घटना बेडग (ता. मिरज) येथील द्राक्ष बागायतदारासोबत घडली.
दीपक शंकर ओमासे यांनी दिलेल्या फिर्यादीनुसार, संबंधित व्यापाऱ्याने त्यांच्या शेतातून १८ लाख ६८ हजार ७५२ रुपयांची द्राक्षे खरेदी केली. व्यवहारानंतर सुरुवातीला ७ लाख ४० हजार रुपये देण्यात आले; मात्र उर्वरित ११ लाखांहून अधिक रक्कम दिली नाही.
रकमेची वारंवार मागणी करूनही टाळाटाळ केल्याने आपली फसवणूक झाल्याचे लक्षात येताच ओमासे यांनी पोलिसांत धाव घेतली. या प्रकरणी धनाजी गौतम धायगुडे (रा. मोडनिंब, ता. माढा, जि. सोलापूर) याच्याविरुद्ध गुन्हा दाखल करण्यात आला असून मिरज ग्रामीण पोलिसांकडून पुढील तपास सुरू आहे.
सांगली जिल्ह्यात द्राक्ष हंगाम सुरू असताना अशा प्रकारच्या आर्थिक फसवणुकीमुळे शेतकरी वर्गातून चिंता व्यक्त केली जात आहे.
हेही वाचा: सांगली-मिरज रोडने घेतला पुन्हा श्वास; विश्रामबाग परिसरातील 67 अनधिकृत खोकी जमीनदोस्त.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
