सांगली : शहराच्या मध्यभागी असलेल्या राजवाडा चौकात शनिवारी अतिक्रमण हटवण्यावरून तणावाचे वातावरण निर्माण झाले. महापालिकेचे अतिक्रमण निर्मूलन पथक खोकी हटवण्यासाठी राजवाडा चौकात दाखल झाले; मात्र संबंधित जागा गणपती पंचायतन संस्थानची खासगी मालमत्ता असल्याचे स्पष्ट झाल्यानंतर कारवाई थांबवण्यात आली.
राजवाडा परिसरात गेल्या अनेक वर्षांपासून स्टॅम्प विक्रेते, टायपिस्ट, झेरॉक्स, चहा-नाष्टा व्यावसायिक तसेच दस्त नोंदणीशी संबंधित सेवा देणारे व्यवसाय सुरू आहेत. या छोट्या व्यवसायांमधून सुमारे २५० ते ३०० कुटुंबांचा उदरनिर्वाह चालतो, असे स्थानिक व्यवसायिकांनी सांगितले.
अतिक्रमण हटवण्यासाठी शनिवारी सकाळी महापालिकेचे पथक येथे पोहोचले. मात्र खोकी ज्या जागेवर आहेत ती गणपती पंचायतन संस्थानाची खासगी मालमत्ता असून संबंधितांना भाडेपट्टीवर जागा देण्यात आल्याचे पंचायतन व्यवस्थापनाकडून स्पष्ट करण्यात आले.
पंचायतनचे व्यवस्थापक जयदीप अभ्यंकर यांनी संबंधित जागा पंचायतनच्या खासगी मालकीची असल्याचे स्पष्ट केल्यानंतर महापालिका पथकाने कारवाई स्थगित करत माघार घेतली. या घटनेनंतर शहरात सुरू असलेल्या अतिक्रमण हटाव मोहिमेबाबत विविध स्तरांवर चर्चा सुरू झाली असून, खासगी मालमत्ता आणि सार्वजनिक अतिक्रमण याबाबत स्पष्ट निकष काय आहेत, असा प्रश्न उपस्थित केला जात आहे.
हेही वाचा: 18 लाखांचे द्राक्षे नेले, 11 लाख बुडवले; बेडगच्या द्राक्ष बागायतदाराची व्यापाऱ्याकडून फसवणूक.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
