सांगली : सांगली महानगरपालिकेच्या पहिल्या महासभेत स्थायी समिती, महिला व बालकल्याण समिती तसेच समाजकल्याण समितीचे गठन करण्यात आले. यासोबतच हनुमाननगर येथे सुमारे ३० कोटी रुपये खर्चून अद्ययावत नाट्यगृह उभारण्याच्या प्रस्तावास एकमताने मंजुरी देण्यात आली.
महाराष्ट्र महानगरपालिका अधिनियमाच्या तरतुदीनुसार १६ सदस्यांची स्थायी समिती गठीत करण्यात आली. आर्थिक मंजुरी, शहरातील विकासकामे आणि महत्त्वाच्या प्रशासकीय निर्णयांची जबाबदारी या समितीकडे राहणार आहे. पक्षीय संख्याबळानुसार सदस्यांची निवड करण्यात आली.
महिला व बालकल्याण समितीवर १६ सदस्यांची नियुक्ती जाहीर करण्यात आली असून समाजकल्याण समितीवर अनुसूचित जाती प्रवर्गातून निवडून आलेल्या ११ सदस्यांची निवड करण्यात आली आहे.
दरम्यान, हनुमाननगर (सर्वे क्र. ३३४) येथे सुमारे ३० कोटी रुपये खर्चून आधुनिक नाट्यगृह उभारण्याचा प्रस्ताव महासभेने मंजूर केला. या प्रकल्पामुळे शहरातील सांस्कृतिक उपक्रमांसाठी स्वतंत्र सुविधा उपलब्ध होणार आहे.
शहरातील नागरी समस्यांच्या प्रभावी निराकरणासाठी चार प्रभाग समित्यांची रचना करण्यात आली असून संबंधित वॉर्ड त्यांना जोडण्यात आले आहेत.
हेही वाचा: आखाती देशांतील तणाव; सांगलीत नियंत्रण कक्ष सुरू, हेल्पलाईन क्रमांक जाहीर.
- इस्राईल-इराण तणाव; दुबईला गेलेल्या कुपवाडमधील 30–35 पर्यटकांशी संपर्क, सुरक्षिततेबाबत प्रशासनाच्या हालचाली सुरू
- सांगली मनपाच्या पहिल्या महासभेत मोठा निर्णय; 30 कोटींच्या नाट्यगृहाला मंजुरी, स्थायी समिती गठीत
- आखाती देशांतील तणाव; सांगलीत नियंत्रण कक्ष सुरू, हेल्पलाईन क्रमांक जाहीर
- सांगली जिल्ह्यातील समाजसेवकांसाठी मोठी संधी; राज्यातील 7 प्रतिष्ठित पुरस्कारांसाठी 15 मार्चपर्यंत अर्ज करता येणार
- शिराळ्यात सरपंचांच्या पतीवर डेअरीत घुसून हल्ला; लोखंडी गजाने डोक्यात वार, राणीहार व 90 हजार रोख रक्कम गायब
- सांगली–मिरजमध्ये माजी सैनिकांसाठी सुरक्षा रक्षक भरती; 12 मार्च शेवटची तारीख
