सांगली : मध्यपूर्वेत सुरू असलेल्या इराण-इस्रायल तणावामुळे पेट्रोल-डिझेल दर वाढणार का, याबाबत नागरिकांमध्ये चर्चा सुरू आहे. मात्र सध्या सांगलीतील इंधन दर स्थिर असल्याची माहिती समोर आली आहे.
सांगलीतील चेतना पेट्रोलियम (100 फुटी रोड) येथे शुक्रवारी पेट्रोलचा दर 104.07 रुपये प्रति लिटर तर डिझेलचा दर 90.63 रुपये प्रति लिटर आहे. तसेच पॉवर पेट्रोलचा दर 111.64 रुपये प्रति लिटर असल्याची माहिती पंपाच्या मालक सौ. नीता केळकर यांनी दिली.
सध्या सांगलीत पेट्रोल 104.07 रुपये, डिझेल 90.63 रुपये आणि पॉवर पेट्रोल 111.64 रुपये प्रति लिटर दराने विक्री होत आहे.
या संदर्भात प्रतिक्रिया देताना केळकर म्हणाल्या की, सध्या देशात पुरेसा इंधनसाठा उपलब्ध आहे. पंतप्रधान नरेंद्र मोदी आणि केंद्र सरकार यांनी पेट्रोल-डिझेल दर वाढणार नसल्याची ग्वाही दिली आहे. त्यामुळे नागरिकांनी घाबरून पेट्रोलपंपांवर रांगा लावू नयेत.
मध्यपूर्वेतील घडामोडींमुळे आंतरराष्ट्रीय स्तरावर तेलाच्या दरांबाबत चर्चा सुरू असली तरी सध्या स्थानिक पातळीवर इंधन पुरवठ्यावर कोणताही परिणाम झालेला नसल्याचेही त्यांनी स्पष्ट केले.
हेही वाचा: विटा-कराड मार्गावर भीषण अपघात; जखमी महिलेचा 10 दिवसांनी मृत्यू.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
