जत : दहावीच्या बोर्ड परीक्षेदरम्यान किरकोळ वादातून एका विद्यार्थ्यावर लोखंडी पाईपने हल्ला झाल्याची घटना जत येथे घडली. या घटनेत विद्यार्थी गंभीर जखमी झाला असून त्याच्यावर मिरज येथील रुग्णालयात उपचार सुरू आहेत.
मिळालेल्या माहितीनुसार, रावळगुंडवाडी (ता. जत) येथील शाळेत इयत्ता दहावीमध्ये शिक्षण घेणाऱ्या विद्यार्थ्याचे परीक्षा केंद्र जत येथील एसआरव्हीएम हायस्कूल येथे होते.
दि. 9 मार्च रोजी सकाळी गणित विषयाचा पेपर सुरू होण्यापूर्वी तो शाळेतील पाण्याच्या टाकीजवळ पाणी पित होता. यावेळी चुकून पाण्याचे शिंतोडे दुसऱ्या विद्यार्थ्याच्या अंगावर उडाल्याने दोघांमध्ये वाद झाला. त्यावेळी संबंधित विद्यार्थ्याने पेपर संपल्यानंतर पाहून घेण्याची धमकी दिली.
दरम्यान, दुपारी सव्वाएक वाजता पेपर संपल्यानंतर विद्यार्थी शाळेच्या गेटबाहेर बसजवळ उभा असताना दुसरा विद्यार्थी लोखंडी पाईप घेऊन तेथे आला आणि त्याच्यावर हल्ला केला. या हल्ल्यात विद्यार्थी गंभीर जखमी झाला.
घटनास्थळी उपस्थित असलेल्या विध्यार्थी आणि बस चालकाने त्याला सावरले, बंदोबस्तासाठी असलेल्या कर्मचाऱ्यांनी जखमी विद्यार्थ्याला प्रथम जत येथील शासकीय रुग्णालयात दाखल केले. प्रकृती गंभीर असल्याने पुढील उपचारासाठी त्याला मिरज येथील रुग्णालयात हलविण्यात आले.
या प्रकरणी संबंधित विद्यार्थ्याविरुद्ध तक्रार देण्यात आली असून जत पोलिस पुढील तपास करत आहेत.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
