Sangli Today | सांगली : सांगली–मिरज–कुपवाड महानगरपालिका निवडणुकीच्या पार्श्वभूमीवर काँग्रेस आणि मित्रपक्षांच्या महाविकास आघाडीची महत्त्वपूर्ण बैठक सांगलीत पार पडली. माजी मंत्री आमदार डॉ. विश्वजीत कदम यांच्या प्रमुख उपस्थितीत झालेल्या या बैठकीत आगामी निवडणुकांसाठी संघटनात्मक तयारी, उमेदवार निवड आणि प्रभागस्तरीय रणनीतीवर सविस्तर चर्चा करण्यात आली.
खासदार विशाल पाटील यांनी दिलेल्या माहितीनुसार, प्रत्येक प्रभागात सक्षम उमेदवार उभे करण्यावर महाविकास आघाडीचा भर राहणार असून, पक्ष संघटना अधिक मजबूत करून आघाडीची ताकद तळागाळापर्यंत पोहोचवण्याचे उद्दिष्ट बैठकीत ठरवण्यात आले. विकासाचे मुद्दे आणि जनतेचा विश्वास या बळावर निवडणुकीला सामोरे जाण्याचा निर्धार यावेळी व्यक्त करण्यात आला.
या बैठकीला काँग्रेसचे सांगली शहर जिल्हाध्यक्ष राजेश नाईक, संजय बजाज, राहुल पवार, हरिदास पाटील यांच्यासह विविध पदाधिकारी आणि कार्यकर्ते उपस्थित होते. आगामी काळात प्रभागनिहाय बैठकांद्वारे निवडणूक तयारी अधिक गतीने राबवली जाणार असल्याचे संकेत या बैठकीतून देण्यात आले.
महानगरपालिका निवडणुकांची घोषणा झाल्यानंतर सर्वच राजकीय पक्षांकडून हालचाली तीव्र झाल्या असून, महाविकास आघाडीनेही संघटनात्मक पातळीवर तयारीला वेग दिल्याचे या बैठकीतून स्पष्ट होते.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
