Sangli Today | मिरज : मिरज शहरात शुक्रवारी सकाळी महापुरुषांच्या पुतळ्याची विटंबना झाल्याची घटना उघडकीस आल्याने नागरिकांमधून तीव्र संतापाची भावना व्यक्त करण्यात आली. घटनेची माहिती मिळताच महापालिका आणि पोलिस प्रशासनाने तातडीने दखल घेतली असून संबंधित प्रकरणी पोलिस ठाण्यात गुन्हा दाखल करण्यात आला आहे.
घटनेनंतर महापालिकेच्या उपायुक्त स्मृती पाटील, पोलिस उपअधीक्षक प्रणील गिल्डा आणि पोलिस निरीक्षक किरण चौगुले यांनी घटनास्थळी भेट देऊन पाहणी केली. पुतळ्याची तात्काळ स्वच्छता करण्यात आली असून, सुरक्षिततेच्या दृष्टीने पुतळा परिसरात सीसीटीव्ही कॅमेरे बसवण्यात आले आहेत.
एका तासात सीसीटीव्ही कॅमेरे कार्यान्वित
महापालिका प्रशासनाकडून अवघ्या एका तासात पुतळा परिसरात सीसीटीव्ही कॅमेरे बसवण्यात आले. या परिसरात कॅमेरे बसवण्याची मागणी अनेक दिवसांपासून होती, मात्र त्याकडे दुर्लक्ष झाल्याचा आरोप स्थानिक नागरिकांकडून करण्यात आला. पण आता या घटनेनंतर प्रशासनाने तत्काळ पावले उचलून पुतळा परिसरात सीसीटीव्ही कॅमेरे बसवले.
राजकीय व सामाजिक संघटनांचा निषेध
या घटनेनंतर पुतळा दक्षता समितीचे अध्यक्ष भीमराव बेंगलोर, शिंदेसेनेचे महापालिका क्षेत्रप्रमुख मोहन वनखंडे, उद्धवसेनेचे जिल्हाप्रमुख विशालसिंग राजपूत, माजी जिल्हाप्रमुख विकास सूर्यवंशी, माजी नगरसेवक आतहर नायकवडी, आरपीआयचे श्वेतपद्म कांबळे, शिंदसेना शहरप्रमुख विनायक सूर्यवंशी यांच्यासह विविध राजकीय व सामाजिक संघटनांचे पदाधिकारी घटनास्थळी दाखल झाले.
अखिल भारतीय मराठा महासंघाचे प्रदेश सचिव विलास देसाई यांच्यासह अनेक संघटनांनी या प्रकाराचा तीव्र निषेध व्यक्त केला असून, दोषींवर कठोर कारवाई करण्याची मागणी केली आहे.
पोलिस तपास सुरू
या प्रकरणी संबंधित कलमान्वये गुन्हा दाखल करण्यात आला असून, सीसीटीव्ही फुटेजच्या आधारे आरोपींचा शोध घेण्याचे काम पोलिसांकडून सुरू आहे. कायदा व सुव्यवस्था अबाधित राखण्यासाठी परिसरात पोलिस बंदोबस्तही वाढवण्यात आला आहे.
हेही वाचा: महापालिका निवडणुकीच्या पार्श्वभूमीवर महाविकास आघाडीची महत्त्वपूर्ण बैठक; संघटन बळकटीवर भर.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
