मिरज : मिरजेत बेदाण्याच्या व्यापारात मोठी आर्थिक फसवणूक झाल्याचा प्रकार उघडकीस आला आहे. पाटणा (बिहार) येथील व्यापाऱ्याने बेदाणा खरेदी करून त्याची रक्कम न देता मिरजमधील व्यापाऱ्याला तब्बल 75 लाख 28 हजार 377 रुपयांचा गंडा घातल्याचा आरोप करण्यात आला आहे. या प्रकरणी महात्मा गांधी चौक पोलिस ठाण्यात फसवणुकीचा गुन्हा दाखल करण्यात आला आहे.
या प्रकरणी केयूर गिरीशकुमार शहा यांनी तक्रार दाखल केली आहे. केयूर शहा हे मिरजेत ‘जी. एस. शहा अॅण्ड कंपनी’ या नावाने बेदाण्याचा व्यवसाय करतात, तर त्यांच्या पत्नीच्या नावावर ‘दृष्टी अॅग्रोटेक फर्म’ कार्यरत आहे. तक्रारीनुसार, पाटणा येथील व्यापारी मनोजकुमार यादव हा शहा यांच्या संपर्कात होता.
मनोजकुमार यादव याने 10 जानेवारी 2023 रोजी जी. एस. शहा अॅण्ड कंपनीकडून सुमारे 15 लाख 28 हजार रुपयांचा, तसेच दृष्टी अॅग्रोटेक फर्मकडून 59 लाख 99 हजार रुपयांचा बेदाणा खरेदी केला होता. मात्र, माल स्वीकारल्यानंतरही संबंधित व्यापाऱ्याने कोणतीही रक्कम अदा केली नाही.
रक्कम मिळण्यासाठी केयूर शहा यांनी वारंवार संपर्क साधून पाठपुरावा केला, मात्र समाधानकारक प्रतिसाद मिळाला नाही. अखेर आपली फसवणूक झाल्याचे लक्षात आल्याने त्यांनी पोलिसांकडे धाव घेतली. पोलिसांनी आरोपीविरोधात फसवणुकीचा गुन्हा नोंदवून पुढील तपास सुरू केला आहे.
हेही वाचा: कुपवाड एमआयडीसीत कारखान्यात मोठी चोरी; सात लाखांचे ॲल्युमिनियम पॅटर्न लंपास.
- जतचा दुष्काळ लवकरच संपणार? 65 गावांना पाणी, 26,500 हेक्टर सिंचनाचा मार्ग मोकळा
- राज्यात 2000 नवीन ग्रंथालयांना मान्यता; सांगलीतील ग्रंथोत्सवात पालकमंत्र्यांची घोषणा
- आटपाडीत दुकानफोडी; दिघंचीतील इलेक्ट्रिकल दुकान फोडून 70 हजारांचा माल लंपास
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
