कुपवाड : कुपवाड एमआयडीसी परिसरातील माईंड फ्लो या औद्योगिक कारखान्यातून तब्बल सात लाख रुपये किमतीचे ॲल्युमिनियम पॅटर्न चोरीस गेल्याचा प्रकार उघडकीस आला आहे. शुक्रवारी सकाळी ही चोरी निदर्शनास आल्यानंतर कुपवाड पोलिस ठाण्यात अज्ञात चोरट्यांविरोधात गुन्हा दाखल करण्यात आला आहे.
पोलिसांकडून मिळालेल्या माहितीनुसार, 25 मे ते 22 नोव्हेंबर 2025 या कालावधीत अज्ञात चोरट्यांनी कारखान्याच्या कुंपणाच्या भिंतीवरून आत प्रवेश करून ही चोरी केली. चोरट्यांनी कंपनीतील सुमारे 7 लाख रुपये किमतीचे, एकूण 1,250 किलो वजनाचे लहान व मोठ्या आकाराचे 50 ॲल्युमिनियम पॅटर्न लंपास केले.
हा प्रकार लक्षात येताच कारखान्याचे इन्चार्ज राकेश परशुराम महाजन (रा. बामणोली) यांनी कुपवाड पोलिस ठाण्यात तक्रार दाखल केली. त्यानुसार अज्ञात आरोपींविरोधात गुन्हा नोंदवण्यात आला असून पोलिसांकडून परिसरातील सीसीटीव्ही फुटेज तपासले जात आहेत.
एमआयडीसी परिसरात यापूर्वीही चोरीच्या घटना घडल्याने औद्योगिक क्षेत्रातील सुरक्षा व्यवस्थेचा प्रश्न पुन्हा ऐरणीवर आला आहे. या प्रकरणी कुपवाड पोलिस अधिक तपास करत आहेत.
हेही वाचा: भाजप आक्रमक, विरोधक विस्कळीत; सांगली महापालिकेत महाविकास आघाडीची कसोटी.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
