सांगली : ऑनलाईन व्यवहारांचे प्रमाण वाढत असताना फसवणुकीचे प्रकारही वाढत आहेत. त्यामुळे कोणतीही वस्तू खरेदी करताना किंवा डिजिटल व्यवहार करताना नागरिकांनी सतर्क राहणे गरजेचे असल्याचे मत प्रभारी जिल्हा पुरवठा अधिकारी आशिष फुलुके यांनी व्यक्त केले.
राष्ट्रीय ग्राहक दिनानिमित्त जिल्हाधिकारी कार्यालय (पुरवठा शाखा) आणि लठ्ठे एज्युकेशन सोसायटी पॉलिटेक्निक, सांगली यांच्या संयुक्त विद्यमाने कुपवाड एमआयडीसी येथे आयोजित कार्यशाळेत ते बोलत होते.
या कार्यक्रमास सहाय्यक जिल्हा पुरवठा अधिकारी रूपाली सोळंके, प्राचार्य आण्णासाहेब गाजी, निवृत्त न्यायाधीश ॲड. फारूक कोतवाल, ॲड. ओमकार वांगीकर, ॲड. जयंत नवले, ग्राहक संघटनेचे प्रतिनिधी तसेच विद्यार्थी मोठ्या संख्येने उपस्थित होते.
यावेळी बोलताना आशिष फुलुके म्हणाले की, कोणतीही खरेदी करताना पावती घेणे आवश्यक आहे. फसवणूक झाल्यास तात्काळ तक्रार नोंदवावी. ग्राहकांनी आपले हक्क ओळखून सजगपणे व्यवहार करावा, असे आवाहन त्यांनी केले.
कार्यशाळेत ॲड. ओमकार वांगीकर यांनी डिजिटल न्याय प्रणाली आणि ई-दाखिल पोर्टलद्वारे ग्राहक तक्रार कशी दाखल करता येते, याबाबत सविस्तर माहिती दिली. ऑनलाईन तक्रारीमुळे वेळ आणि खर्च वाचतो, तसेच लवकर न्याय मिळण्यास मदत होते, असे त्यांनी सांगितले.
ॲड. फारूक कोतवाल, सर्जेराव पाटील आणि इतर वक्त्यांनीही ग्राहकांचे अधिकार, कर्तव्ये आणि फसवणूक झाल्यास कायदेशीर प्रक्रिया याबाबत मार्गदर्शन केले.
कार्यक्रमाच्या सुरुवातीला दीपप्रज्वलन करण्यात आले. सूत्रसंचालन प्रेमला खोत आणि दर्शनी पाटील यांनी केले, तर पुरवठा निरीक्षक राजू कदम यांनी आभार मानले.
हेही वाचा: नागरिकांच्या अडचणी सोडवण्यासाठी अधिकाऱ्यांनी पुढाकार घ्यावा – विभागीय आयुक्त डॉ. चंद्रकांत पुलकुंडवार.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
