सांगली (सांगली टुडे वृत्तसेवा): सन २०२६ च्या खरीप हंगामात दुष्काळ जाहीर झालेल्या राज्यातील ३०४ तालुक्यांमधील शेतकरी बांधवांना मोठा दिलासा मिळाला आहे. राज्य शासनाने मंजूर केलेली ५ हजार रुपयांची अग्रिम मदत आता थेट शेतकऱ्यांच्या बँक खात्यात वर्ग (DBT) होण्यास सुरुवात झाली आहे. या मोहिमेंतर्गत सांगली जिल्ह्यातील सर्व १० तालुक्यांत ही रक्कम जमा करण्याची प्रक्रिया युद्धपातळीवर सुरू झाली असून, आतापर्यंत ९० टक्क्यांहून अधिक शेतकऱ्यांच्या मदतीला मंजुरी देण्यात आल्याची अधिकृत माहिती सांगलीचे जिल्हाधिकारी डॉ. मैनाक घोष यांनी दिली आहे.
सांगली जिल्हा प्रशासनाने दिलेल्या अधिकृत माहितीनुसार, उर्वरित प्रक्रियाही वेगाने राबवली जात आहे.
कोणते शेतकरी ठरले पात्र?
दुष्काळ जाहीर करण्यात आलेल्या तालुक्यातील ज्या शेतकरी बांधवांच्या पिकांचे ३३ टक्क्यांपेक्षा जास्त नुकसान झाले आहे, अशा सर्व पात्र शेतकऱ्यांना सरसकट ५ हजार रुपयांची अग्रिम मदत थेट बँक खात्यात जमा केली जात आहे.
ई-केवायसी आणि फार्मर आयडी (Farmer ID) बाबत महत्त्वाचे निकष:
- ई-केवायसीची अट: ज्या शेतकऱ्यांनी १ नोव्हेंबर २०२५ ते आजपर्यंत विविध शासकीय योजनांतर्गत ई-केवायसी (e-KYC) प्रक्रिया पूर्ण केलेली आहे, त्यांना नव्याने ई-केवायसी करण्याची आवश्यकता भासणार नाही.
- फार्मर आयडी आवश्यक: ज्या शेतकऱ्यांनी अद्याप ‘ॲग्रीस्टॅक शेतकरी ओळखपत्र’ (Farmer ID) काढलेले नाही, त्यांनी हे ओळखपत्र तात्काळ काढून घ्यावे, जेणेकरून कोणत्याही शासकीय मदतीपासून वंचित राहावे लागणार नाही.
हेही वाचा: कापूस श्रेडर मशीनसाठी मिळणार ₹७५,००० पर्यंत अनुदान; योजनेसाठी अर्ज सुरू, ‘या’ १९ जिल्ह्यांना मिळणार लाभ!.
बँकांनी निधी वळती न करण्याचे सक्त निर्देश:
नैसर्गिक आपत्ती व दुष्काळी अनुदानापोटी शेतकऱ्यांच्या खात्यावर आलेला हा मदतनिधी बँकांनी कोणत्याही जुन्या कर्ज खात्यात अथवा वसुलीसाठी वळती करू नये, असे स्पष्ट आणि कडक निर्देश प्रशासनाकडून राष्ट्रीयकृत व सहकारी बँकांना देण्यात आले आहेत.
📢 महाराष्ट्रातील नवीन सरकारी योजना, शासन निर्णय (GR), हवामान अंदाज, शेतमाल बाजारभाव आणि राज्यातील महत्त्वाच्या घडामोडींसाठी Sangli Today ला Google वर प्राधान्य असलेले स्रोत म्हणून जोडा.👇
More Read
