ईश्वरपूर : ऊसतोड मजूर पुरवण्याचे आमिष दाखवून ऊस वाहतूकदाराची सुमारे ८ लाख ४५ हजार रुपयांची फसवणूक केल्याप्रकरणी विजापूर जिल्ह्यातील एका मुकादमावर ईश्वरपूर पोलीस ठाण्यात गुन्हा दाखल करण्यात आला आहे. ही फसवणूक ऊस गळीत हंगामाच्या पार्श्वभूमीवर झाल्याने परिसरात चर्चेचा विषय ठरली आहे.
पोलीस सूत्रांकडून मिळालेल्या माहितीनुसार, रमेश दिनू चव्हाण (वय 44, रा. कामेरी) हे ऊस वाहतूक व्यवसाय करतात. सन 2025–26 च्या ऊस गळीत हंगामासाठी विजापूर जिल्ह्यातील मोहन जयसिंह राठोड (रा. बाराकोटी तांडा, ता. विजापूर) या मुकादमाने त्यांना १२ ऊसतोड मजूर पुरवण्याचे आश्वासन दिले होते.
या आश्वासनावर विश्वास ठेवून चव्हाण यांनी १६ जून ते २८ ऑक्टोबर २०२५ या कालावधीत ऊस हंगामासाठीची उचल म्हणून रोख व ऑनलाईन माध्यमातून एकूण ८ लाख ४५ हजार रुपये दिले. मात्र, ऊस हंगाम सुरू होऊनही मजूर उपलब्ध करून दिले गेले नाहीत.
पैसे परत मागितल्यानंतर उडवाउडवीची उत्तरे देत टाळाटाळ केल्याचा आरोप फिर्यादीत करण्यात आला आहे. अखेर आपली फसवणूक झाल्याचे लक्षात येताच रमेश चव्हाण यांनी ईश्वरपूर पोलीस ठाण्यात तक्रार दाखल केली.
या प्रकरणी मोहन जयसिंह राठोड याच्याविरोधात फसवणुकीचा गुन्हा दाखल करण्यात आला असून, पोलिसांकडून पुढील तपास सुरू असल्याची माहिती देण्यात आली आहे.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
