Jat News Today : जत तालुक्यातील पंचायत समितीत कार्यरत तरुण अभियंता अब्बूबकर वडार यांच्या मृत्यूने परिसरात हळहळ व्यक्त होत आहे. ही घटना दुर्दैवी असली तरी राजकीय दबाव आणि मानसिक ताणामुळे झाल्याची चर्चा स्थानिकांमध्ये सुरू आहे. या प्रकरणाची सखोल चौकशी करून जबाबदारांवर कारवाई करण्याची मागणी जोर धरू लागली आहे.
शुक्रवारी जत येथे झालेल्या निदर्शनात माजी आमदार विक्रम सावंत यांनी सहभाग घेतला. त्यांनी आपल्या भाषणात सांगितले की, “एका कर्तबगार अधिकाऱ्याचा मृत्यू हा संपूर्ण समाजासाठी धक्कादायक आहे. राजकीय दबावामुळे जर आत्महत्या घडली असेल, तर हा प्रकार प्रशासनातील गंभीर अपयशाचे लक्षण आहे. जबाबदारांवर कठोर कारवाई व्हावी यासाठी आम्ही लवकरच विधानसभा अधिवेशनात हा मुद्दा उपस्थित करू.”
स्थानिक ग्रामस्थ आणि शेतकरी मोठ्या संख्येने या आंदोलनात सहभागी झाले होते. जनतेने या घटनेचा तीव्र निषेध नोंदवत शासनाने पीडित कुटुंबाला तातडीने आर्थिक मदत द्यावी, तसेच जबाबदारांची चौकशी करून न्याय मिळवून द्यावा, अशी मागणी केली.
या घटनेमुळे जत तालुक्यात खळबळ माजली असून, प्रशासनावर लोकांचा विश्वास ढळत असल्याची भावना व्यक्त होत आहे.
हेही वाचा: जयंत पाटील यांची राज्यात ओला दुष्काळ जाहीर करण्याची मागणी.
