जत : गावातील वीज तक्रारीच्या कारणावरून डेप्युटी सरपंचावर लोखंडी गज व हातोड्याने हल्ला झाल्याची घटना जत तालुक्यातील आवंढी येथे घडली आहे.
अमोल माणिक पाटील (वय 34) हे डेप्युटी सरपंच असून त्यांनी दिलेल्या तक्रारीनुसार, गावातील घरगुती वीज तक्रारीबाबत ते वायरमन पंकज भाऊसो चव्हाण यांच्याकडे पाठपुरावा करत होते. याच कारणावरून पंकज भाऊसो चव्हाण यांच्याशी त्यांचा एक वर्षांपूर्वी वाद झाला होता.
22 मार्च रोजी दुपारी 12 वाजण्याच्या सुमारास अमोल पाटील हे आवंढी गावातील एका दुकानाजवळ थांबले होते त्यावेळी इनोव्हा गाडीतून पंकज भाऊसो चव्हाण, नवनाथ विठ्ठल चव्हाण व सचिन महादेव चव्हाण हे तेथे आले. त्यांनी शिवीगाळ करत अमोल पाटील यांना मारहान केली.
यावेळी पंकज चव्हाण याने लोखंडी गजाने मारहाण केली, तर नवनाथ चव्हाण याने हातोड्याने डोळ्याजवळ मारून जखमी केले. सचिन चव्हाण याने केबल वायर व लाथाबुक्यांनी अमोल पाटील यांना मारहाण केली. त्यानंतर उपस्थितांनी भांडण सोडवले.
मारहाण करून जाताना संबंधितांसोबत भाऊसो हरिबा चव्हाण यांनीही अमोल पाटील यांना जिवे मारण्याची धमकी दिल्याचेही तक्रारीत नमूद आहे. जखमी अमोल पाटील यांच्यावर ग्रामीण रुग्णालय जत येथे उपचार करण्यात आले.
या प्रकरणी पंकज भाऊसो चव्हाण, नवनाथ विठ्ठल चव्हाण, सचिन महादेव चव्हाण व भाऊसो हरिबा चव्हाण (सर्व रा. आवंढी, ता. जत) यांच्याविरुद्ध जत पोलीस ठाण्यात गुन्हा दाखल करण्यात आला असून पुढील तपास सुरू आहे.
हेही वाचा: वाळव्यात मुलाला दगड का मारला विचारायला गेलेल्या वडिलांवर कोयत्याने हल्ला.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
