कडेगाव : तालुक्यातील वांगी येथे अज्ञात पांढऱ्या चारचाकी वाहनाच्या धडकेत गंभीर जखमी झालेल्या मजुराचा उपचारादरम्यान मृत्यू झाल्याची घटना समोर आली आहे. याप्रकरणी अज्ञात वाहनचालकाविरुद्ध पोलिस ठाण्यात गुन्हा दाखल करण्यात आला आहे.
पोलिसांकडून मिळालेल्या माहितीनुसार, अण्णु शंकर चव्हाण (वय 65, मूळ रा. पांढोझरी ता. जत, सध्या रा. वांगी ता. कडेगाव) हे कुटुंबासह वांगी परिसरात राहत असून ते मजुरीचे काम करत होते.
18 जानेवारी 2026 रोजी सकाळी साडेपाचच्या सुमारास ते वांगी सांगली हायवेवर गेले असता एका पांढऱ्या रंगाच्या चारचाकी वाहनाने त्यांना जोरदार धडक दिली. अपघातानंतर वाहनचालक घटनास्थळावरून पसार झाला.
या अपघातात चव्हाण गंभीर जखमी झाले होते. नातेवाईकांनी त्यांना प्रथम चिंचणी येथील शासकीय रुग्णालयात दाखल केले. त्यानंतर पुढील उपचारासाठी त्यांना कराड येथील कृष्णा हॉस्पिटलमध्ये हलवण्यात आले.
सुमारे महिनाभर उपचार सुरू असताना 13 फेब्रुवारी 2026 रोजी सायंकाळी त्यांचा मृत्यू झाला. अंत्यसंस्कार व धार्मिक विधींमुळे तक्रार देण्यास उशीर झाला असल्याचे फिर्यादीने सांगितले आहे.
या प्रकरणी अज्ञात पांढऱ्या चारचाकी वाहनचालकाविरुद्ध निष्काळजीपणे वाहन चालवून अपघात घडवून मृत्यूस कारणीभूत ठरल्याचा गुन्हा चिंचणी वांगी पोलीस ठाण्यात दाखल करण्यात आला असून पुढील तपास सुरु आहे.
हेही वाचा: 1 एप्रिल 2023 नंतर जन्मलेल्या मुलींना मिळणार 1.01 लाख रुपये; संपूर्ण माहिती जाणून घ्या.
- अपघातात मृत्यू झाल्यास शेतकऱ्यांना 2 लाखांची मदत; ‘गोपीनाथ मुंडे शेतकरी अपघात सुरक्षा सानुग्रह अनुदान योजना’
- सांगलीत गॅसचा काळाबाजार रोखण्यासाठी मोठी कारवाई; ३७ एजन्सींची तपासणी, ३ जणांना अटक
- सांगली-मिरज-कुपवाड महापालिकेत समित्यांचे सभापती बिनविरोध; अतुल माने स्थायी समितीचे सभापती
- कडेगाव वांगी हिट अँड रन प्रकरण; जखमी मजुराचा उपचारादरम्यान मृत्यू
- 1 एप्रिल 2023 नंतर जन्मलेल्या मुलींना मिळणार 1.01 लाख रुपये; संपूर्ण माहिती जाणून घ्या
- 7/12 दुरुस्ती, दाखले, PM-Kisan व इतर सरकारी योजनांचा लाभ एकाच ठिकाणी; बुधगाव येथे 14 मार्चला विशेष शिबिर
