कडेगाव : “सोने दुप्पट करून देतो” असे आमिष दाखवत कडेपूर (ता. कडेगाव) येथे एका 60 वर्षीय वृद्धाची सव्वातीन लाख रुपयांची फसवणूक झाल्याची घटना उघडकीस आली आहे. या प्रकरणी कडेगाव पोलिस ठाण्यात अज्ञात भोंदूबाबा व त्याच्या साथीदाराविरुद्ध गुन्हा दाखल करण्यात आला आहे.
फिर्यादी तानाजी विष्णू मोहिते (वय 60, रा. तोंडोली, ता. कडेगाव) हे 8 फेब्रुवारी रोजी दुपारी कडेपूर–पुसेसावळी रस्त्यालगत उभे असताना तिथे एक मोटार आली, मोटारीतून सुमारे 70 वर्षीय वय असणारा अंगावर कपडे नसलेली अवस्था, डोक्याला भस्म लावलेले रूप धारण केलेला भोंदू बाबा आणि त्याचा एक साथीदार असे दोन जण गाडीतून खाली उतरले.
भोंदूबाबाने मोहिते यांच्या डोक्यावरून हात फिरवत त्यांना त्यांचे “सोन्याचे दागिने दुप्पट करून देतो” असे आमिष दाखवले. भोंदूच्या बोलण्याला बळी पडून मोहिते यांनी हातातील 40 ग्रॅमचे सोन्याचे ब्रेसलेट आणि गळ्यातील 27 ग्रॅमची सोन्याची साखळी बाबाकडे दिली.
भोंदूबाबा व त्याच्या साथीदाराने मोहिते यांची दिशाभूल करत 67 ग्रॅम वजनाचे, अंदाजे 3 लाख 30 हजार रुपये किमतीचे दागिने घेऊन पसार झाले.
आपली फसवणूक झाल्याचे लक्षात येताच मोहिते यांनी कडेगाव पोलिस ठाण्यात फिर्याद दिली. पोलिसांनी अज्ञात आरोपींविरुद्ध गुन्हा नोंदवून परिसरातील सीसीटीव्ही फुटेज आणि तांत्रिक तपासाच्या आधारे संशयितांचा शोध सुरू केला आहे.
हेही वाचा: मिरजेत आज ‘श्रीमंतयोगी’; सायं. 5 ते 8 बालगंधर्व नाट्यमंदिरात मोफत महानाट्य.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
