सांगली : शहरातील दक्षिण शिवाजीनगर परिसरात शुक्रवारी सायंकाळी धाडसी चेन स्नॅचिंगची घटना घडली. गुलमोहर कॉलनीतील एका अपार्टमेंटमध्ये फ्लॅटची बेल वाजवून दरवाजा उघडताच 59 वर्षीय महिलेच्या गळ्यातील सुमारे 65 हजार रुपये किमतीची सोन्याची चेन हिसकावून चोरट्याने पळ काढला. या घटनेमुळे परिसरात भीतीचे वातावरण निर्माण झाले आहे.
निशा विजयकुमार शहा (वय 59, रा. मनीषा अपार्टमेंट, गुलमोहर कॉलनी) यांनी विश्रामबाग पोलिस ठाण्यात फिर्याद दिली आहे.
कशी घडली घटना?
शुक्रवारी सायंकाळी शहा यांच्या फ्लॅटची बेल वाजली. बाहेर अंदाजे पाच फूट उंचीचा अनोळखी व्यक्ती उभा होता. “काय पाहिजे?” असे विचारण्यासाठी त्या दार उघडून बाहेर आल्या, चोरट्याने क्षणार्धात त्यांच्या गळ्यातील साडेबारा ग्रॅम वजनाची सोन्याची चेन हिसडा मारून घटनास्थळावरून पलायन केले.
महिलेने आरडाओरडा केला; मात्र तोपर्यंत चोरटा पळून गेला होता.
पोलिसांचा तपास सुरू
विश्रामबाग पोलिसांनी अज्ञात व्यक्तीविरुद्ध गुन्हा दाखल केला आहे. परिसरातील सीसीटीव्ही फुटेज आणि अन्य तांत्रिक पुराव्यांच्या आधारे आरोपीचा शोध सुरू असल्याची माहिती पोलिसांकडून मिळाली.
नागरिकांसाठी इशारा
अलीकडे फ्लॅटची बेल वाजवून किंवा कुरिअरच्या नावाखाली फसवणूक आणि चोरीच्या घटना वाढत असल्याने नागरिकांनी दरवाजा उघडताना खबरदारी घ्यावी, असे आवाहन विश्रामबाग पोलिसांनी केले आहे.
हेही वाचा: सोने दुप्पट करून देतो म्हणत 60 वर्षीय वृद्धाची सव्वातीन लाखांची फसवणूक; कडेपूरमध्ये भोंदू बाबाचा डाव.
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
