सांगली : बुधवारी सकाळी सांगलीतील 24 वर्षीय युवकाचा मृतदेह इचलकरंजी येथील शाहापूर परिसरातील मोकळ्या जागेत आढळून आला. चेहरा मोठ्या दगडाने ठेचून विद्रूप करण्यात आल्याने सुरुवातीला ओळख पटविण्यास पोलिसांना अडचण आली.
मृताची ओळख शाहबाज शब्बीर शेख (वय 24) अशी असून त्याचे नातेवाईक इचलकरंजीत असल्याची माहिती पोलिसांनी दिली आहे.
इचलकरंजी विभागाचे उपविभागीय पोलिस अधिकारी विक्रांत गायकवाड यांनी सांगितले की, प्राथमिक तपासात कपड्याच्या साहाय्याने गळा आवळून खून केल्याचा संशय आहे. त्यानंतर ओळख पटू नये म्हणून चेहरा दगडाने ठेचून विद्रूप करण्यात आला असावा.
फॉरेन्सिक विभागाच्या पथकाने घटनास्थळाची पाहणी करून पुरावे गोळा केले आहेत. कोल्हापूर पोलिसांच्या गुन्हे अन्वेषण शाखेने या प्रकरणी एका संशयिताला ताब्यात घेतले असून पोलिसांकडून पुढील तपास सुरू आहे.
हेही वाचा: सांगलीत धाडसी चेन स्नॅचिंग; बेल वाजवून दरवाजा उघडताच महिलेच्या गळ्यातील 65 हजारांची चेन लंपास.
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
- सांगलीत डॉ. बाबासाहेबांचे जगातील सर्वात मोठे, पहिले रियलॅस्टिक मल्टी-कलर स्ट्रिंग आर्ट
- जतजवळ ट्रेलरची दुचाकीला धडक; 25 वर्षीय तरुणाचा मृत्यू
- सांगलीतील 152 ग्रामपंचायतींची प्रभाग रचना बदलणार? 13 एप्रिलपर्यंत हरकती नोंदवता येणार
- जत : उमदीजवळ भीषण अपघात; ट्रकच्या धडकेत कार चालकाचा मृत्यू, सहा जखमी
- सांगलीची रोजगार योजनेत मोठी झेप; 1375 जणांना व्यवसायासाठी कर्ज मंजुरी
