शिराळा : शिराळा तालुक्यातील उपवळे गावात बुधवारी (दि. 7) रात्री बिबट्याने नऊ वर्षांच्या मुलीवर हल्ला केल्याची घटना घडली. या हल्ल्यात स्वरांजली संग्राम पाटील (वय 9) ही बालिका जखमी झाली असून तिच्यावर शिराळा येथील उपजिल्हा रुग्णालयात उपचार सुरू आहेत.
मिळालेल्या माहितीनुसार, जेवणानंतर स्वरांजली आणि तिचा भाऊ शिवम हे शेजारच्या घराकडे जात असताना हनुमान मंदिराजवळ अचानक बिबट्याने हल्ला केला. बिबट्याने स्वरांजलीच्या मानेला पकडले. मात्र, तिच्या डोक्यावर असलेल्या टोपीमुळे गंभीर इजा टळली.
या वेळी भाऊ शिवमने धैर्य दाखवत स्वरांजलीचा पाय पकडून ओढण्याचा प्रयत्न केला. त्याच वेळी आई स्वप्नाली पाटील यांनी आरडाओरडा केल्याने परिसरातील नागरिक मदतीसाठी धावून आले. नागरिकांचा आवाज आणि हालचाल वाढल्याने बिबट्याने घटनास्थळावरून पळ काढला, अशी माहिती देण्यात आली आहे.
या हल्ल्यात स्वरांजलीच्या मानेवर, हातावर आणि पाठीवर जखमा झाल्या आहेत. तिला तातडीने उपचारासाठी उपजिल्हा रुग्णालयात दाखल करण्यात आले. घटनेची माहिती मिळताच वनविभागाचे अधिकारी रुग्णालयात दाखल झाले असून पुढील तपासाची प्रक्रिया सुरू आहे.
हेही वाचा: पहिली ते दहावीच्या शाळांमध्ये विद्यार्थ्यांसह शिक्षकांचीही ऑनलाईन हजेरी सुरू.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
