मिरज : शहरातील शिवाजी पुतळा चौक परिसरात एका कॅफेत कोयत्याचा धाक दाखवत तरुणांकडून लूट केल्याची घटना समोर आली आहे. या प्रकारामुळे परिसरात काही काळ भीतीचे वातावरण निर्माण झाले.
पोलीसांकडून मिळालेल्या माहितीनुसार, 26 मार्च रोजी रात्री सुमारे 10 वाजण्याच्या सुमारास ‘ब्रदर्स अड्डा’ कॅफेमध्ये चार तरुण कोयते घेऊन घुसले. त्यांनी कॅफेतील कर्मचाऱ्यांना धमकावत गल्ल्यातील पैसे देण्यास भाग पाडले.
या वेळी संशयितांनी काउंटरवर कोयता फेकून दहशत निर्माण केली तसेच “पोलीसांत तक्रार केली तर जिवंत ठेवणार नाही” अशी धमकी दिल्याचे फिर्यादीत नमूद आहे. त्यानंतर त्यांनी गल्ल्यातील रोख रक्कम जबरदस्तीने घेऊन पळ काढला.
या घटनेमुळे परिसरातील दुकानदारांनी भीतीपोटी दुकाने बंद केली.
या प्रकरणी सौरभ पोतदार, ओंकार साळुंखे, आकाश फोंडे आणि सार्थक जाधव यांच्याविरुद्ध मिरज शहर पोलीस ठाण्यात गुन्हा दाखल करण्यात आला असून पुढील तपास सुरू आहे.
हेही वाचा: खिशातून रुमाल काढताना अपघात; वाळव्याच्या तरुणाचा मृत्यू.
- डिजिटल प्रशासनात सांगली जिल्हा परिषदेची मोठी झेप; राज्यात दुसऱ्या क्रमांकावर
- कवठेमहांकाळ : नागज-भिवघाट रोडवर दाम्पत्यावर हल्ला; मारहाण करून 1.20 लाखांचे दागिने लंपास
- मिरज: कोयत्याचा धाक; तरुणांकडून दहशत निर्माण करत कॅफेत लूट
- वाळवा: खिशातून रुमाल काढताना अपघात; वाळव्याच्या तरुणाचा मृत्यू
- ‘लाडकी बहीण’ योजनेचे पैसे जमा होण्यास सुरुवात; फेब्रुवारीचा हफ्ता जमा होण्याची प्रक्रिया सुरू
- सांगलीत बॅडमिंटन हॉल पुन्हा सुरू; खेळाडूंना दिलासा
