मिरज : सांगली-मिरज-कुपवाड महानगरपालिकेच्या सार्वत्रिक निवडणुकीच्या पार्श्वभूमीवर कायदा व सुव्यवस्था अबाधित राखण्यासाठी मिरज शहरात पोलीस प्रशासनाकडून कठोर कारवाई करण्यात आली आहे. महात्मा गांधी चौक पोलिस ठाण्याच्या हद्दीत असलेल्या एका सराईत गुन्हेगारास सांगली जिल्ह्यातून एक वर्षासाठी हद्दपार करण्यात आले आहे.
पोलीसांनी दिलेल्या माहितीनुसार, सोहेल उर्फ शाहबाज बादशाह सुभेदार (वय २४, रा. ईदगाह नगर, मिरज) असे हद्दपार करण्यात आलेल्या संशयिताचे नाव आहे. त्याच्यावर घातक शस्त्र बाळगून परिसरात दहशत निर्माण करणे, गंभीर दुखापत करणे यासह दखलपात्र स्वरूपाचे अनेक गुन्हे दाखल आहेत.
या संशयितावर यापूर्वी वेळोवेळी प्रतिबंधात्मक तसेच अटकेची कारवाई करण्यात आली होती. मात्र, त्याच्या वर्तनात कोणतीही सुधारणा न झाल्याचे पोलिसांच्या निदर्शनास आले. त्याच्या गुन्हेगारी कृत्यांमुळे नागरिकांच्या जीवितास व मालमत्तेस धोका निर्माण होत असल्याचेही स्पष्ट झाले होते.
निवडणूक कालावधीत संभाव्य अनुचित प्रकार टाळण्यासाठी आणि शांतता राखण्यासाठी सदर आरोपीस सांगली जिल्ह्यातून एक वर्षासाठी हद्दपार करण्याचा आदेश देण्यात आल्याचे पोलिस प्रशासनाकडून सांगण्यात आले आहे.
- वाळवा तालुक्यात भीषण अपघात; पुलावर दुचाकी आदळून युवकाचा मृत्यू, मित्र गंभीर जखमी
- इराण-इस्रायल तणावामुळे तेल दर वाढणार? सांगलीत पेट्रोल 104.07 रुपये; सध्या दरवाढ नाही
- विटा-कराड मार्गावर भीषण अपघात; जखमी महिलेचा 10 दिवसांनी मृत्यू
- सांगली महापालिकेच्या स्थायी समिती सभापतीची निवड 13 मार्चला; इच्छुकांकडून मोर्चेबांधणी
- सांगलीत कृष्णा नदी प्रदूषणाचा प्रश्न गंभीर; ‘हजारो मासे मृत, 5 लाख नागरिकांच्या आरोग्यास धोका’
- कवठेमहांकाळमध्ये 2.88 किलो गांजा जप्त; तस्कर अटकेत
