मिरज : प्रेमविवाह केल्याच्या रागातून मिरज शहरातील सुभाषनगर परिसरात दाम्पत्यास घरात घुसून मारहाण केल्याची घटना उघडकीस आली आहे. या प्रकरणी मिरज ग्रामीण पोलिस ठाण्यात सहा जणांविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, संदेश नवनाथ लोंढे (वय 36, रा. सुभाषनगर, मिरज) व आश्विनी सदामस्त यांनी प्रेमविवाह केला होता. या विवाहावरून नाराज असलेल्या नातेवाईकांनी संदेश यास घरात घुसून मारहाण केली असल्याची माहिती समोर आली आहे.
तक्रारीनुसार, आश्विनीचा भाऊ आकाश बाळू सदामस्त याने मोबाईलवरून संदेश यास शिवीगाळ व धमकी दिली होती. त्यानंतर काही जणांनी त्यांच्या घरात घुसून मारहाण केल्याचा आरोप आहे. या हल्ल्यात संदेश लोंढे जखमी झाले असून त्यांच्यावर उपचार सुरू आहेत.
तक्रारीनुसार, आरोपींनी लाथाबुक्क्यांनी मारहाण केली तसेच घरातील वस्तूंचा वापर करून हल्ला केल्याचा आरोप आहे. पत्नी आश्विनी हिने पतीला वाचवण्याचा प्रयत्न केला असता तिलाही मारहाण झाल्याची नोंद तक्रारीत आहे.
या घटनेप्रकरणी मिरज ग्रामीण पोलिस ठाण्यात सहा जणांविरोधात गुन्हा नोंदवण्यात आला असून मिरज ग्रामीण पोलीस प्रकरणाचा पुढील तपास करत आहेत.
हेही वाचा: सांगलीसाठी 206 कोटींच्या वाढीव निधीची मागणी; 751 कोटींच्या आराखड्यावर राज्यस्तरीय चर्चा.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
