सांगली : नांद्रे-सांगली मार्गावरील नावरसवाडी नवीन पुलाजवळ वडाप जीप पलटी होऊन सात जण जखमी झाल्याची घटना सोमवारी घडली. चालकाच्या बाजूचा दरवाजा अचानक निघाल्याने चालकाचे वाहनावरील नियंत्रण सुटले आणि जीप थेट शेतात जाऊन उलटली, अशी प्राथमिक माहिती आहे.
जखमींमध्ये जास्मीन महंमदशरीफ अथणीकर (मिरज), नीशा अशरफ राजपूर (निगडी), सुषमा बाळू कांबळे (ता. तासगाव), हनिफा युनुस बागवान (नांद्रे), संजय संतोष भोरे (रा. कर्जत, रायगड) यांचा समावेश असून इतर काही किरकोळ जखमी झाले आहेत. जखमींना सांगलीच्या शासकीय रुग्णालयात दाखल करण्यात आले आहे.
वडाप चालक तेजस मारुती लोखंडे (माधवनगर) हा जीप (एमएचके 0513) घेऊन नांद्रेहून सांगलीकडे येत असताना नवीन पुलाजवळील वळणावर अपघात झाला. जीप शेतात पलटी झाल्याने मोठी जीवितहानी टळली.
या प्रकरणी सांगली ग्रामीण पोलिस ठाण्यात चालकाविरुद्ध गुन्हा दाखल करण्यात आला असून पुढील तपास सुरू आहे.
हेही वाचा: ‘माझी वसुंधरा ५.०’मध्ये सांगलीची हॅट्रिक; मिळवले 10.75 कोटींचे बक्षीस.
- जतचा दुष्काळ लवकरच संपणार? 65 गावांना पाणी, 26,500 हेक्टर सिंचनाचा मार्ग मोकळा
- राज्यात 2000 नवीन ग्रंथालयांना मान्यता; सांगलीतील ग्रंथोत्सवात पालकमंत्र्यांची घोषणा
- आटपाडीत दुकानफोडी; दिघंचीतील इलेक्ट्रिकल दुकान फोडून 70 हजारांचा माल लंपास
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
