पलूस : शेतातील पाचट जाळताना शेजारच्या उसाला लागलेली आग आटोक्यात आणण्याच्या प्रयत्नात ८५ वर्षीय वृद्ध शेतकऱ्याचा होरपळून दुर्दैवी मृत्यू झाल्याची घटना विठ्ठलवाडी (ता. पलूस) येथे घडली. गणपती सदाशिव भोसले असे मृत शेतकऱ्याचे नाव आहे.
मिळालेल्या माहितीनुसार, गुरुवारी सकाळी सुमारे ९.३० वाजण्याच्या सुमारास गणपती भोसले हे आपल्या शेतात गेले होते. उसाची तोड झाल्यानंतर उरलेले पाचट जाळण्याचे काम ते करत होते. यावेळी अचानक आगीच्या ठिणग्यांमुळे शेजारच्या शेतातील उसालाही आग लागली.
ही आग वाढू नये म्हणून भोसले यांनी ती आग आटोक्यात आणण्याचा प्रयत्न केला. मात्र, वाऱ्याचा वेग आणि आगीच्या तीव्र ज्वालांमुळे काही क्षणातच आग भडकली. आगीने चारही बाजूंनी वेढल्याने भोसले यांना बाहेर पडण्याची संधी मिळाली नाही. या दुर्घटनेत ते गंभीररीत्या होरपळले आणि त्यांचा जागीच मृत्यू झाला.
घटनेची माहिती मिळताच विठ्ठलवाडी, आमणापूर व पलूस परिसरातील नागरिकांनी घटनास्थळी धाव घेतली. मात्र तोपर्यंत भोसले यांचा मृत्यू झाला होता.
पलूस पोलिस ठाण्यात या प्रकरणाची नोंद करण्यात आली असून, पुढील तपास सुरू असल्याची माहिती पोलिसांकडून देण्यात आली आहे.
हेही वाचा: नागपूरच्या पशुखाद्य कंपनीची ८१.४६ लाखांची फसवणूक; सांगलीतील दोघांविरुद्ध गुन्हा दाखल.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
