आटपाडी : मुलाला घेऊन जाण्याच्या कारणावरून पारेकरवाडी (ता. आटपाडी) येथे दोन गटांत तीव्र वाद होऊन लोखंडी गजाने मारहाण करण्यात आल्याची घटना रविवार, दि. 22 फेब्रुवारी रोजी घडली. या मारहाणीत एकाच कुटुंबातील चार जण जखमी झाले असून दहा जणांविरुद्ध गुन्हा दाखल करण्यात आला आहे.
फिर्यादी दाजी पडळकर हे आपल्या कुटुंबासह मुलाला आणण्यासाठी सासरच्या गावी गेले होते. यावेळी झालेल्या वादानंतर परिस्थिती बिघडली. तक्रारीनुसार काही जणांनी त्यांना खाली पाडून मारहाण केली, तर एका आरोपीने लोखंडी गजाने डोक्यावर प्रहार केल्याचा आरोप आहे.
भांडण सोडवण्याचा प्रयत्न करणाऱ्या वडिलांनाही गजाने मारहाण झाल्याचे फिर्यादित नमूद करण्यात आले आहे. आईलाही ढकलून मारहाण करण्यात आल्याचा आरोप आहे. घटनेदरम्यान वाहनाचेही नुकसान करण्यात आले आहे आहे.
आटपाडी पोलिस ठाण्यात या प्रकरणी गुन्हा दाखल करण्यात आला असून पोलिसांकडून पुढील तपास सुरू आहे.
हेही वाचा: नेर्ले येथे भरदिवसा शेतमजुरावर बिबट्याचा हल्ला.
- इराण-इस्रायल तणावामुळे तेल दर वाढणार? सांगलीत पेट्रोल 104.07 रुपये; सध्या दरवाढ नाही
- विटा-कराड मार्गावर भीषण अपघात; जखमी महिलेचा 10 दिवसांनी मृत्यू
- सांगली महापालिकेच्या स्थायी समिती सभापतीची निवड 13 मार्चला; इच्छुकांकडून मोर्चेबांधणी
- सांगलीत कृष्णा नदी प्रदूषणाचा प्रश्न गंभीर; ‘हजारो मासे मृत, 5 लाख नागरिकांच्या आरोग्यास धोका’
- कवठेमहांकाळमध्ये 2.88 किलो गांजा जप्त; तस्कर अटकेत
- सांगलीत ‘आमदार केसरी 2026’ भव्य बैलगाडी शर्यत; विजेत्यास 1 लाखांचे बक्षीस
