सांगली : मिरज तालुक्यातील समडोळी येथे बनावट कागदपत्रे आणि सह्यांचा वापर करून एका कुटुंबाच्या नावे पतसंस्थेत खाते उघडून त्यावर 2 लाखांचे कर्ज काढल्याचा प्रकार उघडकीस आला आहे.
याप्रकरणी स्वप्निल मस्कर यांनी सांगली ग्रामीण पोलिस ठाण्यात फिर्याद दिली आहे. पोलिसांनी पिग्मी एजंट प्रवीण मस्कर, सचिव जयपाल ढोले आणि अध्यक्ष प्रदीप खोत यांच्याविरोधात फसवणुकीचा गुन्हा दाखल केला आहे.
फिर्यादीच्या म्हणण्यानुसार, त्यांच्या व त्यांच्या आई-वडिलांच्या नावाने संबंधित पतसंस्थेत खाते नसतानाही संगनमताने बनावट कागदपत्रे आणि स्वाक्षऱ्यांच्या आधारे खाते उघडण्यात आले. त्या खात्यावर 2 लाखांचे कर्ज मंजूर करून घेतले गेले. जामीनदाराचीही बोगस स्वाक्षरी करण्यात आली.
एप्रिल 2018 ते फेब्रुवारी 2020 या कालावधीत हा प्रकार घडल्याचे सांगण्यात आले असून सांगली ग्रामीण पोलिस या प्रकरणाचा अधिक तपास करत आहेत.
हेही वाचा: अडीच तास ‘श्रीमंतयोगी’चा थरार; मिरजेतील बालगंधर्वात प्रेक्षकांची उत्स्फूर्त गर्दी.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
