सांगली, दि. 13 : सांगली शहरात वाहनांसाठीच्या एलपीजी गॅसच्या दरात मोठी वाढ झाली असून त्याचा परिणाम रिक्षा व्यवसायावर होताना दिसत आहे. दरवाढीच्या पार्श्वभूमीवर शहरातील काही एलपीजी पंपांवर रिक्षांच्या लांबच लांब रांगा लागल्याचे पाहायला मिळत आहे.
कुपवाड ते संजयनगर रोडवरील एका एलपीजी पंपावर शुक्रवारी सकाळी मोठ्या प्रमाणात रिक्षांची गर्दी झालेली दिसून आली. पंपावर जवळपास 70 ते 80 रिक्षा गॅस भरण्यासाठी रांगेत उभ्या असल्याचे दिसून आले.
रिक्षाचालकांच्या म्हणण्यानुसार, काही दिवसांपूर्वी वाहनांसाठीचा एलपीजीचा दर सुमारे 55 रुपये होता. मात्र सध्या तो सुमारे 80 रुपयांपर्यंत वाढल्याची माहिती चालकांनी दिली. दरात झालेल्या 25 रुपयांच्या वाढीमुळे रिक्षाचालकांमध्ये चिंता व्यक्त केली जात आहे.
आखाती देशांमधील तणावपूर्ण परिस्थितीचा परिणाम इंधन दरांवर होत असल्याची चर्चा वाहनधारकांमध्ये सुरू आहे. दरम्यान, गॅसचा तुटवडा निर्माण होण्याची भीती व्यक्त होत असल्याने अनेक रिक्षाचालक पंपांवर रांगेत थांबून गॅस टाकी फुल करताना दिसत आहेत.
LPG दरवाढीमुळे रिक्षा व्यवसायावर परिणाम होण्याची शक्यता सांगलीतील रिक्षाचालकांकडून व्यक्त केली जात आहे.
हेही वाचा: सांगली जिल्ह्यात 14 मार्च रोजी राष्ट्रीय लोकअदालत; रखडलेली प्रकरणे तडजोडीतून निकाली काढण्याची संधी.
- अपघातात मृत्यू झाल्यास शेतकऱ्यांना 2 लाखांची मदत; ‘गोपीनाथ मुंडे शेतकरी अपघात सुरक्षा सानुग्रह अनुदान योजना’
- सांगलीत गॅसचा काळाबाजार रोखण्यासाठी मोठी कारवाई; ३७ एजन्सींची तपासणी, ३ जणांना अटक
- सांगली-मिरज-कुपवाड महापालिकेत समित्यांचे सभापती बिनविरोध; अतुल माने स्थायी समितीचे सभापती
- कडेगाव वांगी हिट अँड रन प्रकरण; जखमी मजुराचा उपचारादरम्यान मृत्यू
- 1 एप्रिल 2023 नंतर जन्मलेल्या मुलींना मिळणार 1.01 लाख रुपये; संपूर्ण माहिती जाणून घ्या
- 7/12 दुरुस्ती, दाखले, PM-Kisan व इतर सरकारी योजनांचा लाभ एकाच ठिकाणी; बुधगाव येथे 14 मार्चला विशेष शिबिर
