सांगली : सांगली–मिरज–कुपवाड शहर महानगरपालिका हद्दीत १३ ते १६ जानेवारीदरम्यान ‘ड्राय डे’ लागू करण्यात आला असला, तरी शहरालगतच्या काही भागांत दारू विक्री सुरू असल्याचे दिसून येत आहे.
सांगली शहरापासून अवघ्या दहा मिनिटांच्या अंतरावर असलेला माधवनगर रोड परिसर महानगरपालिका हद्दीत येत नसल्याने, त्या भागातील हॉटेल्स, बार आणि दारूची दुकाने सुरू आहेत. त्यामुळे शहरातील अनेक नागरिक ड्राय डेच्या कालावधीत त्या भागात जाऊन मद्यपान करत असल्याचे तसेच दारूची खरेदी करत असल्याचे प्रत्यक्षात दिसून येत आहे.
विशेषतः संध्याकाळच्या वेळेत माधवनगर रोड परिसरातील दारू दुकाने आणि बार परिसरात मोठी गर्दी होत असल्याचेही आढळून येत आहे. सांगली शहरात मद्यविक्रीवर पूर्ण बंदी असताना, शहरालगतच्या हद्दीबाहेरील भागात विक्री सुरू असल्याने ड्राय डेचा प्रत्यक्ष परिणाम मर्यादित राहतोय, अशी प्रतिक्रिया काही नागरिकांकडून व्यक्त केली जात आहे.
दरम्यान, ड्राय डे आदेश महानगरपालिका हद्दीपुरताच लागू असल्याने, प्रशासनाकडून नियमांचे उल्लंघन होत नसल्याचे स्पष्ट आहे. मात्र, निवडणूक काळात शांतता व सुव्यवस्था राखण्याच्या उद्देशाने लागू केलेल्या ड्राय डेचा अपेक्षित परिणाम कितपत साध्य होतोय, याबाबत प्रश्न उपस्थित होत आहे.
हेही वाचा वाजेगाव घरफोडी प्रकरणी सराईत आरोपी अटकेत; २.७१ लाखांचा मुद्देमाल जप्त.
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- कर्नाटकला कत्तलीसाठी नेत असताना 5 खिल्लार बैलांची सुटका; बोलेरो पिकअपसह कारवाई
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli News: सांगलीतील कॅफे संस्कृती पुन्हा चर्चेत; अल्पवयीन मुलीवरील अत्याचारानंतर सामाजिक संघटना आक्रमक
