सांगली : आगामी महानगरपालिका निवडणुकीच्या पार्श्वभूमीवर सांगली–मिरज–कुपवाड महानगरपालिका हद्दीत १३ जानेवारी ते १६ जानेवारी २०२६ या कालावधीत ‘ड्राय डे’ लागू करण्यात आला आहे. या कालावधीत दारूची सर्व दुकाने, परमिट रूम्स तसेच सार्वजनिक ठिकाणी मद्यपान पूर्णपणे बंद राहणार आहे.
प्रचार समाप्ती, मतदान आणि मतमोजणी या संपूर्ण प्रक्रियेच्या कालावधीत कायदा व सुव्यवस्था अबाधित राहावी, यासाठी हा निर्णय घेण्यात आला आहे. आदेशानुसार १३ जानेवारी रोजी सायंकाळी ६ वाजल्यापासून ही बंदी प्रभावी होणार असून, १६ जानेवारीपर्यंत लागू राहणार आहे.
या काळात मद्यविक्री किंवा सार्वजनिक ठिकाणी मद्यपान केल्यास संबंधितांवर कायद्यानुसार कारवाई करण्यात येणार असल्याचे प्रशासनाने स्पष्ट केले आहे. दारू विक्री करणाऱ्या दुकानदारांना व परवाना धारकांना याबाबतची माहिती आधीच देण्यात आली आहे.
दरम्यान, ड्राय डेच्या कालावधीत शहरात कायदा व सुव्यवस्था राखण्यासाठी पोलीस व प्रशासनाकडून अतिरिक्त खबरदारी घेतली जाणार असून, नियमांचे उल्लंघन झाल्यास तातडीने कारवाई केली जाईल, असेही प्रशासनाकडून सांगण्यात आले आहे.
हेही वाचा: ₹९३.५० कोटींच्या मलशुद्धीकरण केंद्र प्रकल्पाबाबत पालकमंत्री चंद्रकांतदादा पाटील यांनी दिली माहिती.
- जतचा दुष्काळ लवकरच संपणार? 65 गावांना पाणी, 26,500 हेक्टर सिंचनाचा मार्ग मोकळा
- राज्यात 2000 नवीन ग्रंथालयांना मान्यता; सांगलीतील ग्रंथोत्सवात पालकमंत्र्यांची घोषणा
- आटपाडीत दुकानफोडी; दिघंचीतील इलेक्ट्रिकल दुकान फोडून 70 हजारांचा माल लंपास
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
