सांगली : सांगलीसह राज्यातील २९ महानगरपालिका निवडणुकांसाठी गुरुवार, दि. १५ जानेवारी २०२६ रोजी मतदान होणार असून, मतदारांना आपला मतदानाचा हक्क बजावता यावा यासाठी त्या दिवशी भरपगारी सुट्टी (Paid Holiday) जाहीर करण्यात आली आहे. याबाबत महाराष्ट्र शासनाच्या उद्योग, ऊर्जा, कामगार व खनिकर्म विभागाने अधिकृत शासन परिपत्रक निर्गमित केले आहे.
या परिपत्रकानुसार, शासकीय कार्यालयांसह खाजगी कंपन्या, कारखाने, दुकाने, औद्योगिक व वाणिज्यिक आस्थापना, हॉटेल्स, मॉल्स, आयटी कंपन्या तसेच सेवा क्षेत्रातील आस्थापनांना ही भरपगारी सुट्टी लागू राहणार आहे. मतदानाच्या दिवशी मतदारांना सुट्टी किंवा आवश्यक सवलत न दिल्याने मतदान करता आले नाही, अशा तक्रारी प्राप्त झाल्यास संबंधित आस्थापनांविरुद्ध कारवाई केली जाईल, असा स्पष्ट इशाराही शासन परिपत्रकात देण्यात आला आहे.
शासनाने स्पष्ट केले आहे की, निवडणूक क्षेत्रातील मतदार असलेले अधिकारी, कर्मचारी व कामगार हे कामानिमित्त त्या क्षेत्राबाहेर कार्यरत असले तरीही, त्यांना मतदानाच्या दिवशी भरपगारी सुट्टी देणे बंधनकारक आहे. काही अत्यावश्यक, लोकोपयोगी किंवा धोकादायक सेवांमध्ये पूर्ण दिवस सुट्टी देणे शक्य नसल्यास, मतदानासाठी दोन ते तीन तासांची विशेष सवलत देणे आवश्यक असल्याचेही परिपत्रकात नमूद करण्यात आले आहे.
राज्य निवडणूक आयोगाच्या सूचनेनुसार निर्गमित करण्यात आलेल्या या शासन निर्णयाचा उद्देश, कोणत्याही मतदाराचा मतदानाचा हक्क कामाच्या अडचणींमुळे हिरावला जाऊ नये, हा आहे. गेल्या काही निवडणुकांमध्ये सुट्टी न मिळाल्याने मतदान न करता आल्याच्या तक्रारी आल्याच्या पार्श्वभूमीवर हा निर्णय घेण्यात आल्याचे परिपत्रकात स्पष्ट करण्यात आले आहे.
सदर शासन परिपत्रक महाराष्ट्र शासनाच्या अधिकृत संकेतस्थळावर उपलब्ध असून, सर्व संबंधित आस्थापनांनी या आदेशाचे काटेकोर पालन करण्याचे निर्देश देण्यात आले आहेत.
हेही वाचा: सांगलीत १३ ते १६ जानेवारीदरम्यान ड्राय डे; दारू दुकाने बंद, नियमभंग केल्यास कारवाई.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
