सांगली : सोशल मीडियावर महानगरपालिकेत ‘कर्मचारी भरती’ संदर्भात फिरत असलेल्या जाहिराती आणि पोस्ट पूर्णपणे खोट्या असल्याचे महानगरपालिका प्रशासनाने स्पष्ट केले आहे.
फेसबुक, इंस्टाग्राम तसेच इतर सोशल मीडिया प्लॅटफॉर्मवर सांगली महानगरपालिकेत भरती संदर्भात काही संदेश प्रसारित होत असून अनेक नागरिकांकडून फोनद्वारे भरती संदर्भात विचारणा करण्यात येत असल्याची माहिती प्रशासनाकडून देण्यात आली आहे.
महानगरपालिकेने स्पष्ट केले आहे की, सध्या कोणतीही अधिकृत भरती प्रक्रिया सुरू नाही. अधिकृत भरतीबाबतची माहिती केवळ सांगली महानगरपालिकेच्या अधिकृत संकेतस्थळावर शासकीय जाहिरातीद्वारे प्रसिद्ध केली जाते.
नागरिकांनी कोणत्याही अनधिकृत लिंकवर क्लिक करू नये किंवा कोणत्याही भूलथापांना बळी पडू नये, असे आवाहन करण्यात आले आहे. तसेच अफवा पसरवणाऱ्यांवर कायदेशीर कारवाई करण्यात येणार असल्याचा इशाराही प्रशासनाने दिला आहे.
हेही वाचा: होळीच्या रात्री पुणे–बेंगलोर महामार्गावर हिट अँड रन; पेठनाक्याजवळ 55 वर्षीय वेटरचा मृत्यू.
- दिघंची बसस्थानकाजवळील दुकान फोडले; 1.21 लाखांचा ऐवज लंपास
- सांगली महानगरपालिका भरतीच्या नावाने फसवणूक? सोशल मीडियावरील जाहिराती खोट्या
- होळीच्या रात्री पुणे–बेंगलोर महामार्गावर हिट अँड रन; पेठनाक्याजवळ 55 वर्षीय वेटरचा मृत्यू
- इस्राईल-इराण तणाव; दुबईला गेलेल्या कुपवाडमधील 30–35 पर्यटकांशी संपर्क, सुरक्षिततेबाबत प्रशासनाच्या हालचाली सुरू
- सांगली मनपाच्या पहिल्या महासभेत मोठा निर्णय; 30 कोटींच्या नाट्यगृहाला मंजुरी, स्थायी समिती गठीत
- आखाती देशांतील तणाव; सांगलीत नियंत्रण कक्ष सुरू, हेल्पलाईन क्रमांक जाहीर
