सांगली : सांगली महानगरपालिका निवडणुकांच्या पार्श्वभूमीवर उमेदवारी अर्ज विक्रीच्या पहिल्याच दिवशी इच्छुक उमेदवारांकडून उत्स्फूर्त प्रतिसाद मिळाल्याचे चित्र दिसून आले. शहरातील सहा निवडणूक निर्णय अधिकारी कार्यालयांमधून एकूण 574 उमेदवारी अर्जांची विक्री झाल्याची माहिती प्रशासनाने दिली आहे.
मात्र, पहिल्या दिवशी कोणताही नामनिर्देशन अर्ज दाखल झालेला नसल्याचे प्रशासनाकडून स्पष्ट करण्यात आले आहे. प्रभाग क्रमांक 9, 10 आणि 11 येथील कार्यालयांमध्ये सर्वाधिक 142 अर्जांची विक्री झाली असून, त्याखालोखाल प्रभाग 1, 2 आणि 8 येथे 111 अर्ज विकले गेले आहेत. इतर प्रभागांमध्येही समाधानकारक प्रतिसाद मिळाल्याचे सांगण्यात आले.
उमेदवारांसाठी स्वतंत्र कक्ष, आवश्यक माहिती व मार्गदर्शन सुविधा उपलब्ध करून देण्यात आल्याचे प्रशासनाने स्पष्ट केले. निवडणूक प्रक्रिया पारदर्शक व नियमांनुसार राबवली जाणार असून, इच्छुक उमेदवारांनी अधिकृत वेळापत्रकानुसार नामनिर्देशन अर्ज दाखल करावेत असे आवाहन करण्यात आले आहे.
हेही वाचा: फायनान्स एजंट असल्याचा बनाव करून वाहनधारकांकडून जबरी वसूली; मिरजमध्ये दोन तासांत चौघांना अटक.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
